இந்திய விமானப்படையின் முதல் தேஜாஸ் இரட்டை இருக்கை விமானம் அறிமுகம்
செய்தி முன்னோட்டம்
முதல் LCA தேஜாஸ் இரட்டை இருக்கை விமானத்தை ஹிந்துஸ்தான் ஏரோநாட்டிக்ஸ் லிமிடெட் இன்று(அக் 4) இந்திய விமானப்படையிடம் (IAF) ஒப்படைத்தது.
இந்த இரட்டை இருக்கை விமானம் IAFஇன் பயிற்சித் தேவைகளை ஆதரிக்கும் அனைத்து திறன்களையும் கொண்டிருப்பதாகவும், தேவைப்பட்டால் போர் விமானத்தை போல் இந்த விமானத்தை மேம்படுத்திக் கொள்ளலாம் என்றும் பெங்களூரைத் தலைமையிடமாகக் கொண்ட ஹிந்துஸ்தான் ஏரோநாட்டிக்ஸ் லிமிடெட்(HAL) நிறுவனம் தெரிவித்துள்ளது.
இன்று நடைபெற்ற LCA இரட்டை இருக்கை விமானத்தின் திறப்பு விழாவில் மத்திய பாதுகாப்புத்துறை இணை அமைச்சர் அஜய் பட் தலைமை விருந்தினராக பங்கேற்றார்.
ட்ஜவ்லா
LCA தேஜாஸ் இரட்டை இருக்கை விமானத்தில் இருக்கும் வசதிகள்
இந்த விமானத்தை சேவைக்கு விடுவித்தல்(RSD), சிக்னலிங் அவுட் சான்றிதழ்(SOC) வழங்குதல் போன்ற நடைமுறைகள் விமானப்படைத் தளபதி விஆர் சவுதாரி உள்ளிட்ட முக்கிய அதிகாரிகளின் முன்னிலையில் நடைபெற்றது.
LCA தேஜாஸ் இரட்டை இருக்கை விமானம் என்பது குறைந்த எடை கொண்ட, அனைத்து வானிலையையும் தாங்கக்கூடிய, பல்வேறு திறன் கொண்ட 4.5 தலைமுறை விமானமாகும்.
ரிலாக்ஸ்டு ஸ்டேடிக்-ஸ்டெபிலிட்டி, குவாட்ரப்ளெக்ஸ் ஃப்ளை-பை-வயர் ஃப்ளைட் கன்ட்ரோல், மேம்பட்ட கண்ணாடி காக்பிட், ஒருங்கிணைந்த டிஜிட்டல் ஏவியோனிக்ஸ் சிஸ்டம்ஸ் போன்ற சமகால தொழில்நுட்பங்கள் இந்த விமனாத்தில் பொருத்தப்பட்டுள்ளது.
இது போன்ற விமானங்களை உருவாக்கிய "மிகச் சில" உயரடுக்கு நாடுகளின் பட்டியலில் இந்தியா தற்போது சேர்ந்துள்ளது என்று HAL கூறியுள்ளது.