12ஆம் வகுப்பு மாணவர்களுக்கு இன்று ஹால் டிக்கெட் வெளியாகிறது; பதிவிறக்கம் செய்வது எப்படி?
12ஆம் வகுப்பு பயிலும் மாணவர்களுக்கான ஹால் டிக்கெட் இன்று பிற்பகல் வெளியாகிறது என அறிவிக்கப்பட்டுள்ளது. தமிழ்நாடு மற்றும் புதுச்சேரியில், 12ஆம் வகுப்பு மாணவர்களுக்கு மார்ச் 1-ஆம் தேதி முதல் 22-ஆம் தேதி வரையிலும், 11ஆம் வகுப்பிற்கு மார்ச் 4-ஆம் தேதி முதல் 25-ஆம் தேதி வரையிலும், 10ஆம் வகுப்பு தேர்வு மார்ச் 26-ஆம் தேதி முதல் ஏப்ரல் 8-ஆம் தேதி வரையிலும் பொதுத்தேர்வு நடைபெறவுள்ளது. இந்நிலையில் தான் இவர்கள் பொதுத்தேர்வுக்கான ஹால் டிக்கெட் இன்று வெளியாகிறது. இதுகுறித்து பள்ளிக் கல்வித்துறை வெளியிட்டுள்ள அறிவிப்பில், சம்பந்தப்பட்ட பள்ளி தலைமையாசிரியர்கள் இன்று பிற்பகல் முதல் www.dge.in.gov.in என்ற இணையதளத்தில், தங்களுக்கு வழங்கப்பட்டுள்ள User ID, Password-ஐ பயன்படுத்தி மாணவர்களுக்கான ஹால்டிக்கெட்டை பதிவிறக்கம் செய்யலாம் என தெரிவிக்கப்பட்டுள்ளது.
