தமிழக முதல்வர் மு.க.ஸ்டாலின் துவக்கி வைத்த பசுமை புத்தாய்வு திட்டம்; முழு விவரம் உள்ளே
செய்தி முன்னோட்டம்
தமிழ்நாடு மாநிலத்தில் உள்ள 38 மாவட்டங்களில் 'முதலமைச்சர் பசுமை புத்தாய்வு திட்டத்தினை' துவங்க முடிவு செய்யப்பட்டு அதற்கான அறிவிப்பு கடந்த 2021ம் ஆண்டு செப்டம்பர் மாதம் 3ம் தேதி 2021-2022 பட்ஜெட் கூட்டத்தொடரின் பொழுது அறிவிக்கப்பட்டது.
இந்த திட்டத்திற்கான அறிவிப்பினை சுற்று சூழல் துறை அமைச்சர் மெய்யநாதன் தெரிவித்ததை தொடர்ந்து தமிழக அரசு இந்த திட்டத்திற்கான அரசாணையினை வெளியிட்டது.
இளைஞர்கள்
இளைஞர்கள் மாநில அரசு மற்றும் மாவட்ட நிர்வாகத்துடன் நேரடியாக செயல்பட முடியும்
இயற்கை எழிலை பாதுகாத்து, காலநிலை மாற்றங்களால் நிகழும் பாதிப்புகளை குறைப்பதற்கான எளியமுறை தொழில்நுட்ப முறைகளை வகுக்க ஏதுவாக இந்த திட்டம் அறிவிக்கப்பட்டது.
மேலும், சுற்றுசூழலினை பாதுகாக்கும் பணிகளில் இளைஞர்களை அதிகளவு ஈர்க்கும் விதமாகவே இத்தகைய திட்டத்தினை அரசு அறிவித்தது என்றும் கூறப்படுகிறது.
இதன்படி, இந்த திட்டம் இளைஞர்கள் இத்திட்டத்தில் மாநில அரசு மற்றும் மாவட்ட நிர்வாகத்துடன் நேரடியாக இணைந்து செயல்பட ஓர் நல்வாய்ப்பாக கருதப்படுகிறது.
நிதி
சுற்றுசூழல் பிரச்சனைகள் குறித்த கொள்கை வகுக்கப்படும்
இந்த திட்டத்தில் ஓர் பசுமை ஆர்வலரின் முதன்மை பணி என்னவென்றால், மாவட்ட அளவில் உள்ள சுற்றுசூழல் பிரச்சனைகளை குறித்த கொள்கையினை வகுத்து அறிவிப்பதே ஆகும் என்றும் கூறப்படுகிறது.
இத்திட்டம் குறித்து அமைச்சர் மெய்யநாதன் பேசுகையில், தகுதியான தொழிற்சாலைகள் கண்டறியப்பட்டு ஒவ்வொரு ஆண்டு வழங்கப்படும் இசைவாணைக்கு பதில் கால அளவினை நீட்டித்து தொகுப்பாக வழங்கப்படுவது தொடர்பான விழிப்புணர்வு ஏற்படுத்தப்படும் என்று கூறியுள்ளார்.
பசுமை பூங்கா
சென்னையில் பசுமை பூங்கா
அதேபோல் சுற்றுசூழலை மிக கவனமாக பாதுகாக்கும் தனி நபர் அல்லது நிறுவனத்திற்கு ரூ.1 கோடி மதிப்பில் 'பசுமை முதன்மையாளர் விருது' வழங்கப்படும்.
ரூ.32 கோடி செலவில் தமிழ்நாடு மாசுக்கட்டுப்பாடு வாரியம் நவீனமயமாக்கப்படும்.
சென்னை மாவட்டம் ஆயிரவிளக்கு பகுதியில் பசுமை பூங்கா அமைக்கப்படும் என்று தெரிவித்திருந்தார்.
இதனை தொடர்ந்து, தமிழக சுற்றுசூழல் துறை மூலம் ரூ.20 கோடி செலவில் கடற்கரைகளுக்கான நீலக்கொடி சான்றிதழ் திட்டம் செயல்படுத்தப்படும் என்றும் கூறியிருந்தார்.
தமிழக முதல்வர்
'பசுமை புத்தாய்வு' திட்டத்தினை துவக்கி வைத்தார் முதல்வர்
இந்நிலையில், இன்று(ஆகஸ்ட்.,21) தமிழக முதல்வர் மு.க.ஸ்டாலின் அவர்கள் இந்த காலநிலை மாற்றம் குறித்த விழிப்புணர்வு பரப்புவது மற்றும் மாவட்ட பசுமை கனவுகளை நிறைவேற்ற மேற்கொள்ளும் 'பசுமை புத்தாய்வு' திட்டத்தினை துவக்கி வைத்துள்ளார்.
இளைஞர்களின் திறன், தமிழகத்தின் ஆட்சி ஓர் தனித்துவம் மிக்கது என்பதை நிரூபிக்கும் வகையில், உலகளவிலான சிறந்த உத்திகள் கொண்டு இந்த திட்டம் செயல்படும் என்று கூறப்படுகிறது என்பது குறிப்பிடத்தக்கது.