பிஞ்சு குழந்தைகளை காவு வாங்கிய பள்ளிப்பேருந்து விபத்து: வைரலாகும் வீடியோ
உத்தரப்பிரதேச மாநிலம் காசியாபாத்தில் உள்ள டெல்லி- மீரட் தேசிய நெடுஞ்சாலையில், இன்று காலை, பள்ளிப்பேருந்து ஒன்று விபத்திற்கு உள்ளானது. அதில், பள்ளி குழந்தைகள் இருவர் உட்பட, 6 பேர் உயிரிழந்து உள்ளனர். இருவர் படுகாயம் அடைந்து மருத்துவமனையில் தீவிர சிகிச்சையில் அனுமதிக்கப்பட்டுள்ளனர். இது குறித்து, காவல்துறை விசாரித்ததில், பள்ளிப்பேருந்து கிட்டத்தட்ட 9 கீ.மி தூரம், தவறான பாதையில் பயணம் செய்ததாகவும், அப்போது, அதிவேகத்தில் எதிரே வந்த SUV மீது மோதி, இந்த கோர விபத்து சம்பவித்ததாகவும் கூறியுள்ளனர். இந்த விபத்தின் வீடியோ தற்போது இணையத்தில் வைரலாகி வருகிறது. இந்த விபத்திற்கு காரணமான பள்ளிப்பேருந்து ஓட்டுநர், கைது செய்யப்பட்டுள்ளார்.
