வாணியம்பாடி அருகே நேருக்கு நேர் மோதிக்கொண்ட பேருந்துகள்: பலி எண்ணிக்கை 6 ஆக உயர்வு
செய்தி முன்னோட்டம்
திருப்பத்தூர் வாணியம்பாடி அருகே செட்டியப்பனூர் கிராமத்தில் உள்ள சென்னை-பெங்களூரு நெடுஞ்சாலையின் உயர்மட்ட பாலத்தில் இன்று ஒரு அரசு விரைவுப் பேருந்து(SETC) ஆம்னிபஸ் மீது மோதியதால் ஒரு பெண் உட்பட 6 பேர் உயிரிழந்தனர்.
அரசுப் பேருந்து ஓட்டுநர் தூங்கியதே விபத்துக்குக் காரணமாக இருக்கலாம் என்று சந்தேகிக்கப்படுகிறது. அந்த அரசுப் பேருந்து ஓட்டுநரும் சம்பவ இடத்திலேயே உயிரிழந்துவிட்டார் என்பது குறிப்பிடத்தக்கது.
வாணியம்பாடியைச் சேர்ந்த முகமது பைரோஸ்(37), சென்னைக்கு அடுத்துள்ள கூடுவாஞ்சேரியைச் சேர்ந்த எஸ். ரித்திகா(32), உளுந்தூர்பேட்டையைச்(கள்ளக்குறிச்சி) சேர்ந்த கே.ஏழுமலை(47), ஆந்திராவில் சித்தூரை சேர்ந்த பி.அஜீத்(25), கர்நாடகாவின் கோலாரை சேர்ந்த என்.சையத் மும்தாஜ்(42) ஆகியோர் சம்பவ இடத்திலேயே உயிரிழந்துள்ளனர்.
மேலும், விபத்துக்குள்ளான பேருந்துகளின் ஓட்டுநர்களான எல்லுமலை மற்றும் சையத் ஆகியோரும் உயிரிழந்தனர்.
ட்ஜ்வ்க்ன்
விபத்து எப்படி நடந்தது?
காயமடைந்த 64 பயணிகளில், நான்கு பேர் சிகிச்சைக்காக வேலூர் அரசு மருத்துவக் கல்லூரி மருத்துவமனைக்கு மாற்றப்பட்டுள்ளனர். மீதமுள்ளவர்கள் வாணியம்பாடியில் உள்ள அரசு தாலுகா மருத்துவமனையில் சிகிச்சை பெற்றனர்.
தேசிய நெடுஞ்சாலையில் பெங்களூரில் இருந்து சென்னை நோக்கிச் சென்று கொண்டிருந்த SETC பேருந்து, ஓட்டுநரின் கட்டுப்பாட்டை இழந்து, இரும்பு மீடியனை உடைத்துவிட்டு, எதிர்திசையில் சென்னையில் இருந்து பெங்களூரு நோக்கிச் சென்று கொண்டிருந்த ஆம்னி பேருந்து மீது மோதியதால் இந்த விபத்து ஏற்பட்டது என்று போலீசார் தெரிவித்துள்ளனர்.
இன்று காலை 4:30 மணியளவில் இந்த விபத்து ஏற்பட்டது.
விபத்து ஏற்பட்டதும் சம்பவ இடத்திலேயே ஒரு பெண் உட்பட 4 பேர் உயிரிழந்தனர்.ஆம்னி பேருந்து ஓட்டுநர் சையத் வேலூரில் மருத்துவமனைக்குக் கொண்டு செல்லும் வழியில் உயிரிழந்தார்.