அமலாக்கத்துறை இயக்குநர் ராகுல் நவீனுக்கு மேலும் 1 ஆண்டு பணி நீட்டிப்பு; மத்திய அரசு உத்தரவு
செய்தி முன்னோட்டம்
அமலாக்கத்துறையின் இயக்குநராக செயல்பட்டு வரும் 59 வயதான ராகுல் நவீனின் பதவிக்காலத்தை மேலும் ஓராண்டு காலத்திற்கு நீட்டித்து மத்திய அரசு உத்தரவிட்டுள்ளது. மத்திய அமைச்சரவையின் நியமனக் குழு பிறப்பித்துள்ள உத்தரவின்படி, ஆகஸ்ட் 13, 2026 வரை இருந்த இவரது பதவிக்காலம் தற்போது ஆகஸ்ட் 13, 2027 வரை நீட்டிக்கப்பட்டுள்ளது. இதன்படி, ஜூலை 31, 2027 அன்று இவரின் ஓய்வு காலம் முடிவடைந்த பின்னரும் இவர் அமலாக்கத்துறை தலைவராகத் தொடர்ந்து நீடிப்பார்.
ஐஆர்எஸ் அதிகாரி
ஐஆர்எஸ் அதிகாரி மற்றும் அமலாக்கத்துறைப் பயணம்
வருமான வரித் துறையின் 1993 ஆம் ஆண்டு ஐஆர்எஸ் பிரிவு அதிகாரியான ராகுல் நவீன், செப்டம்பர் 2023 முதல் அமலாக்கத்துறையின் இடைக்காலத் தலைவராகப் பொறுப்பேற்றார்.
தொடர்ந்து ஆகஸ்ட் 14, 2024 அன்று முழுநேர இயக்குநராகப் பொறுப்பேற்றார்.
2019 ஆம் ஆண்டிலேயே அமலாக்கத்துறையில் சிறப்பு இயக்குநராக இணைந்த இவர், நிதி நடவடிக்கை பணிக்குழுவின் சர்வதேச மதிப்பீட்டுப் பணிகளில் முக்கியப் பங்காற்றினார்.
விதிமுறைப்படி, இயக்குநருக்கு 2 ஆண்டு நிலையான பதவிக்காலத்திற்குப் பிறகு தலா ஒரு ஆண்டு என 3 முறை பணி நீட்டிப்பு வழங்க முடியும்.
முக்கிய வழக்குகள்
இவரது காலத்தில் மேற்கொள்ளப்பட்ட முக்கிய வழக்குகள்
ராகுல் நவீனின் தலைமையின் கீழ் அமலாக்கத்துறை ஐ-பேக் அரசியல் ஆலோசனை நிறுவனம், ரிலையன்ஸ் அனில் அம்பானி குழுமம் மற்றும் ஆன்லைன் சூதாட்ட நிறுவனங்கள் மீதான உயர்நிலை விசாரணைகளைத் தீவிரப்படுத்தியது.
மேலும், ரியல் எஸ்டேட் நிறுவனங்களால் பாதிக்கப்பட்ட வீடு வாங்குபவர்களின் வழக்குகளில் சட்டவிரோத பணப்பரிவர்த்தனை தடுப்புச் சட்டத்தைப் பயன்படுத்தி பல்லாயிரம் கோடி மதிப்பிலான சொத்துக்களை மீட்பதற்கான பணிகளையும் முடுக்கிவிட்டார்.
நிபுணத்துவம்
கல்விப் பின்னணியும் சர்வதேச வரிவிதிப்பு நிபுணத்துவமும்
பீகாரைச் சேர்ந்த ராகுல் நவீன், ஐஐடி கான்பூரில் பி.டெக் மற்றும் எம்.டெக் பட்டங்களையும், மெல்போர்னின் சுவின்பர்ன் பல்கலைக்கழகத்தில் எம்.பி.ஏ பட்டமும் பெற்றவர்.
30 ஆண்டுகளுக்கும் மேலாக வருமான வரித்துறையில் பணியாற்றிய அனுபவம் கொண்ட இவர், சர்வதேச வரி விதிப்பு மற்றும் பரிமாற்ற விலை நிர்ணயம் தொடர்பான நூல்களையும் கட்டுரைகளையும் எழுதியுள்ளார்.