ரேஷன் கார்டில் மகளின் பெயரை நீக்கிய தந்தை - கலெக்டரிடம் மனு அளித்த மாணவி!
செய்தி முன்னோட்டம்
கடலூர் மாவட்டத்தில் மாணவி ஒருவர் ரேஷன் கார்டில் தனது பெயர் நீக்கப்பட்டதாக அளித்த கோரிக்கை மனு பரபரப்பை ஏற்படுத்தியுள்ளது.
கடலூர் மாவட்டம் சிதம்பரம் அக்ரமங்கலம் சிறுகாலூரை சேர்ந்தவர் நிரஞ்சனா. பள்ளி மாணவியான இவர், கலெக்டர் அலுவலகத்தில் ஏராளமான குறை தீர்ப்பு கூட்டம் நடைப்பெற்றது.
அப்போது பல பொதுமக்கள் மனு கொடுத்த நிலையில், மாணவியும் ஒரு மனுவை கொடுத்துள்ளார்.
அவர் கலெக்டரிடம் அளித்த அந்த மனுவில், தாய் மற்றும் தந்தையின் குடும்ப பிரச்சினையின் காரணமாக நான் பாட்டி வீட்டில் வளர்ந்தேன்.
கடலூர் மாவட்டம்
ரேஷன் கார்டில் பெயரை சேர்க்க கலெக்டரிம் மனு கொடுத்த மாணவி
தற்போது, 12 ஆம் வகுப்பு படித்து முடித்த நான் மேற்கொண்டு பட்டப்படிப்பு படிக்க உள்ளேன்.
ஆகையால் குடும்ப சண்டையில் ரேஷன் கார்டில் இருந்து என் பெயரை தந்தை நீக்கியதால், இருப்பிட சான்று முதல் ஜாதி சான்று வரை எதையும் பெற முடியவில்லை.
இதனால் அடிப்படை தேவைகளை பெற ரேஷன் கார்டில் எனது பெயரை சேர்த்து சான்றிதழ்கள் கிடைக்க நடவடிக்கை எடுக்க வேண்டும் என மனுவில் தெரிவித்துள்ளார்.