நர்ஸ் வேடமிட்டு விஷ ஊசிப்போட்டு மனைவியை கொலை செய்ய முயற்சித்த முன்னாள் காதலி - க்ரைம் ஸ்டோரி
செய்தி முன்னோட்டம்
இந்த வார Newsbytes.,இன் க்ரைம் ஸ்டோரி: கேரளா ஆலப்புழா பகுதியிலுள்ள காயங்குளம் என்னும் பகுதியினை சேர்ந்தவர் அருணன், இவரது மனைவி ஸ்னேகா(25).
இவர்களுக்கு கடந்த சிலதினங்களுக்கு முன்னர் பத்தனம்திட்டா மாவட்டத்தில் திருவல்லா அருகேயுள்ள ஒரு தனியார் மருத்துவமனையில் குழந்தை பிறந்துள்ளது.
குழந்தைக்கு சற்று உடல்நலக்குறைவு இருந்த காரணத்தினால் ஸ்னேகா தனது குழந்தையுடன் அதே மருத்துவமனையில் தங்கியுள்ளார்.
இந்நிலையில் நேற்றுமுன்தினம்(ஆகஸ்ட்.,4)மாலையில் நர்ஸுஒருவர் ஸ்னேகாவிற்கு ஊசிப்போட்டுள்ளார்.
அந்த ஊசியால் ஸ்னேகாவின் கையில் மிகுந்த வலி ஏற்பட்டுள்ளது.
எனவே ஊசிப்போடுவதை நிறுத்துமாறு ஸ்னேகா அந்த நர்ஸிடம் கூறியுள்ளார்.
ஆனால் அந்த நர்ஸ் ஸ்னேகாவை சற்றும் பொருட்படுத்தாமல் தொடர்ந்து ஊசிகளைப்போட்டு கொண்டே இருந்துள்ளார்.
இதனால் சந்தேகமடைந்த ஸ்னேகா கத்தி கூச்சலிட்டுள்ளார்.
இதனால் அங்கு பணியிலிருந்த மற்ற நர்ஸுகள் வந்துள்ளனர்.
க்ரைம்
விஷ ஊசி செலுத்தியதால் தீவிர சிகிச்சை பெற்று வரும் இளம்பெண்
பின்னர் ஸ்னேகாவிற்கு ஊசிப்போட்டவர் உண்மையான நர்ஸ் இல்லை என்பதும், ஸ்னேகாவிற்கு போட்டது விஷஊசி என்னும் உண்மையும் விசாரித்ததில் தெரியவந்துள்ளது.
இதனால் அதிர்ச்சியடைந்த மற்ற நர்ஸுகள் அந்த நர்ஸ் வேடமிட்டு வந்த பெண்ணை பிடித்து வைத்துக்கொண்டு காவல்துறைக்கு தகவல் தெரிவித்துள்ளனர்.
தொடர்ந்து, அங்குவந்த போலீசார் அந்த போலி நர்ஸை கைது செய்தனர்.
இதனையடுத்து போலீஸ் நடத்திய விசாரணையில் நர்ஸ் வேடமிட்டு வந்த பெண் காயன்குளம் பகுதியினை சேர்ந்த அனுஷா(26)என்றும், இவர் ஸ்னேகாவின் கணவர் அருணனின் முன்னாள் காதலி என்றும், ஸ்னேகாவிற்கு தெரியாமல் அருணன் அவ்வப்போது அனுஷாவுடன் பேசுவார் என்றும் தெரியவந்துள்ளது.
இந்த கொலை முயற்சியில் அருணனுக்கும் தொடர்புள்ளதா?என போலீசார் விசாரணை நடத்திவரும் நிலையில், ஸ்னேகாவிற்கு விஷஊசி செலுத்தியதால் அவர் தீவிர சிகிச்சை பெற்று வருகிறார்.