தக்காளியை தொடர்ந்து மளிகை பொருட்களின் விலையும் ஏற்றம்
தமிழ்நாடு மட்டுமின்றி, இந்தியா முழுவதும் காய்கறிகளின் விலை, குறிப்பாக தக்காளியின் விலை வான்முட்டும் அளவிற்கு கிலோ, 135ரூபாய் வரை விற்கப்படுகிறது. இந்த விலையேற்றத்தை கட்டுப்படுத்தவும், பொதுமக்களுக்கு கொள்முதல் விலையிலேயே காய்கறிகளை வழங்கவும் மாநில அரசு பல நடவடிக்கைகளை எடுத்துவருவதாக அறிவித்தது. இதனிடையே, சென்னையில் அரிசி, பருப்பு உள்ளிட்ட அத்தியாவசிய மளிகை பொருட்களின் விலையும் அதிகரித்துள்ளது. வரத்துக் குறைவு காரணமாக மளிகை பொருட்களின் விலை, கிட்டத்தட்ட 20% வரை அதிகரித்துள்ளதாக கூறப்படுகிறது. ஒரு கிலோ துவரம் பருப்பின் விலை 40 ரூபாய் வரையும், சீரகத்தின் விலை, ஒரு கிலோ 540 ரூபாய்க்கும் விற்பனை ஆகிறது. அண்டை மாநிலங்களான ஆந்திரா, கேரளா போன்ற மாநிலங்களில் நடக்கும் பருவமழை காரணமாக, விளைச்சல் பாதிக்கப்பட்டதே விலையேற்றத்திற்கு காரணம் எனக்கூறப்படுகிறது.
