விக்கிரவாண்டி இடைத்தேர்தலில் திமுக முன்னிலை
விக்கிரவாண்டி சட்டப்பேரவைத் தொகுதியில் ஜூலை 10ஆம் தேதி நடைபெற்ற இடைத்தேர்தலில் பதிவான வாக்குகளை எண்ணும் பணி தற்போது நடைபெற்று வருகிறது. இந்நிலையில், தற்போதைய நிலவரப்படி திராவிட முன்னேற்றக் கழகம்(திமுக) முன்னிலை பெற்றுள்ளது திமுக வேட்பாளர் அன்னியூர் சிவா, பாமக வேட்பாளர் சி அன்புமணியை விட 19,000 வாக்குகள் வித்தியாசத்தில் முன்னிலை பெற்றுள்ளார். முதலில் தபால் வாக்குகள் எண்ணப்பட்டு காலை 8 மணிக்கு வாக்கு எண்ணிக்கை தொடங்கியது. இந்த ஆண்டு ஏப்ரல் மாதம் திமுக எம்எல்ஏ புகழேந்தி காலமானார். அதைத்தொடர்ந்து, விக்கிரவாண்டியில் இடைத்தேர்தல் நடத்தப்பட்டது. நடந்து முடிந்த நாடாளுமன்றத் தேர்தலில் தமிழகம் மற்றும் புதுச்சேரியில் உள்ள 39 மக்களவைத் தொகுதிகளிலும் திமுக தலைமையிலான கூட்டணி வெற்றி பெற்றது.
