மாணவர் போராட்டங்களுக்குப் பணிந்தது அரசு! மத்திய கல்வி அமைச்சர் தர்மேந்திர பிரதான் ராஜினாமா
செய்தி முன்னோட்டம்
நீட் தேர்வு வினாத்தாள் கசிவு மற்றும் முறைகேடுகள் தொடர்பாக நாடு முழுவதும் மாணவர்கள் மற்றும் எதிர்க்கட்சிகள் நடத்தி வந்த தீவிர போராட்டங்களின் எதிரொலியாக, மத்திய கல்வி அமைச்சர் தர்மேந்திர பிரதான் தனது பதவியை ராஜினாமா செய்துள்ளார். புதுடெல்லியின் ஜந்தர் மந்தர் பகுதியில் மாணவர்கள் மற்றும் காக்ரோச் ஜனதா கட்சி (சிஜேபி) அமைப்பினர் நடத்திய போராட்டத்தைத் தொடர்ந்து இந்த முடிவு எடுக்கப்பட்டுள்ளது.
ட்விட்டர் அஞ்சல்
Embed
#BREAKING || மத்திய அமைச்சர் தர்மேந்திர பிரதான் ராஜினாமா | #DharmendraPradhan | #NEET | #Protest | #Student | #PolimerNews pic.twitter.com/dNGXiQg3g8
— Polimer News (@polimernews) July 25, 2026
போராட்டம் தீவிரம்
டெல்லி ஜந்தர் மந்தரில் தீவிரமடைந்த போராட்டங்கள்
முன்னதாக, நீட் தேர்வு வினாத்தாள் கசிவு விவகாரத்தில் உயர்மட்ட விசாரணை நடத்தப்பட வேண்டும் என்றும், முறைகேடுகளுக்குப் பொறுப்பேற்று கல்வி அமைச்சர் உடனடியாகப் பதவி விலக வேண்டும் என்றும் வலியுறுத்தி டெல்லி ஜந்தர் மந்தரில் கடந்த சில நாட்களாகப் போராட்டங்கள் தீவிரமடைந்து வந்தன.
நாடாளுமன்ற மழைக்காலக் கூட்டத்தொடரிலும் எதிர்க்கட்சிகள் இந்த விவகாரத்தைக் கடுமையாக முன்வைத்து அவையை முடக்கின.
இந்த அரசியல் அழுத்தங்களின் விளைவாகவே இந்த ராஜினாமா நிகழ்ந்துள்ளது.
சீர்திருத்தம்
தேசியத் தேர்வுகள் முகமை சீர்திருத்தங்கள்
வினாத்தாள் கசிவு விவகாரம் தொடர்பாகப் பிரதமர் நரேந்திர மோடி ஏற்கனவே விரைவு நீதிமன்றங்கள் மற்றும் கடுமையான சட்டங்களைக் கொண்டுவர அமைச்சரவையில் நடவடிக்கை எடுத்து வரும் நிலையில், கல்வி அமைச்சரின் ராஜினாமா மேலும் அதிர்வலைகளை ஏற்படுத்தியுள்ளது.
தேசியத் தேர்வுகள் முகமையின் செயல்பாடுகளை சீரமைக்கவும், எதிர்காலத்தில் இத்தகைய சம்பவங்கள் நடக்காமல் தடுக்கவும் மத்திய அரசு புதிய நடவடிக்கைகளைத் தீவிரப்படுத்தியுள்ளது.
வரவேற்பு
மாணவர்கள் மற்றும் எதிர்க்கட்சிகளின் வரவேற்பு
கல்வி அமைச்சர் தர்மேந்திர பிரதானின் ராஜினாமாவைத் தொடர்ந்து, டெல்லி மற்றும் பல்வேறு மாநிலங்களில் போராட்டத்தில் ஈடுபட்டிருந்த மாணவர்கள் மற்றும் எதிர்க்கட்சிகள் இதனைத் தங்களது முதல் வெற்றியாகக் கொண்டாடி வருகின்றனர்.
இருப்பினும், நீட் தேர்வு முறைகேட்டில் தொடர்புடைய அனைத்துக் குற்றவாளிகளுக்கும் உரிய தண்டனை வழங்கப்படுவதையும், பாதிக்கப்பட்ட மாணவர்களுக்குப் பூரண நீதி கிடைப்பதையும் அரசு உறுதி செய்ய வேண்டும் என மாணவர் அமைப்புகள் வலியுறுத்தியுள்ளன.