டித்வா புயல் எதிரொலி; தமிழகத்தில் பல மாவட்டங்களில் பள்ளி கல்லூரிகளுக்கு விடுமுறை அறிவிப்பு
செய்தி முன்னோட்டம்
வங்கக்கடலில் மையம் கொண்டுள்ள டித்வா புயல் வட தமிழகக் கடற்கரையை நோக்கி நகர்ந்து வருவதால், முன்னெச்சரிக்கை நடவடிக்கையாகத் தமிழ்நாட்டில் உள்ள பல மாவட்டங்களிலும் பள்ளி மற்றும் கல்லூரிகளுக்கு சனிக்கிழமை (நவம்பர் 29) ஒரு நாள் விடுமுறை அறிவிக்கப்பட்டுள்ளது. இதன்படி, திருவாரூர், நாகபட்டினம், கடலூர், மயிலாடுதுறை, கள்ளக்குறிச்சி, புதுக்கோட்டை, பெரம்பலூர், புதுச்சேரி மற்றும் காரைக்காலில் பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது. மேலும், விழுப்புரம் மற்றும் தஞ்சாவூர் மாவட்டத்தில் பள்ளிகளுக்கு மட்டும் விடுமுறை அறிவிக்கப்பட்டுள்ளது. புயல் காரணமாகக் கடலோர மற்றும் டெல்டா மாவட்டங்களில் பலத்த மழை பெய்யும் என்று இந்திய வானிலை ஆய்வு மையம் (IMD) எச்சரித்துள்ளது.
புயல்
புயலின் நகர்வு மற்றும் பாதிப்பு
டித்வா புயல் ஞாயிற்றுக்கிழமை (நவம்பர் 30) அதிகாலையில் வட தமிழகம், புதுச்சேரி மற்றும் தெற்கு ஆந்திரக் கடற்கரைகளுக்கு இடையே கரையை கடக்கும் என்று எதிர்பார்க்கப்படுகிறது. இதனால், மாநிலத்தின் பெரும்பாலான கடலோரப் பகுதிகளில் கனமழை முதல் மிகக் கனமழை பெய்ய வாய்ப்புள்ளது. மாணவர்களின் பாதுகாப்பைக் கருத்தில் கொண்டே இந்த விடுமுறை அறிவிக்கப்பட்டுள்ள நிலையில், அரசு நிர்வாகம் மற்றும் பேரிடர் மீட்புப் படையினர் நிலைமையை உன்னிப்பாகக் கண்காணித்து வருகின்றனர். மேலும், பொதுமக்கள் தேவையற்ற பயணங்களைத் தவிர்க்குமாறும் அரசு நிர்வாகம் அறிவுறுத்தி உள்ளது.
ட்விட்டர் அஞ்சல்
Twitter Post
#JUSTIN டிட்வா புயல் மற்றும் கனமழை காரணமாக எந்தெந்த மாவட்டங்களில் விடுமுறை?#Titva #Cyclone #School #College #Holiday #News18Tamilnadu | https://t.co/3v5L32pLWJ pic.twitter.com/4zmxM3MZMq
— News18 Tamil Nadu (@News18TamilNadu) November 29, 2025