சத்தீஸ்கரில் மாவோயிஸ்டுகளுடன் நடந்த என்கவுன்டரில், சிஆர்பிஎஃப் துணை ஆய்வாளர் கொல்லப்பட்டார்
செய்தி முன்னோட்டம்
சத்தீஸ்கரின் சுக்மா மாவட்டத்தில், மாவோயிஸ்டுகள் உடன் நடந்த துப்பாக்கிச் சூட்டில் மத்திய ரிசர்வ் போலீஸ் படை துணை(சிஆர்பிஎஃப்) துணை காவல் ஆய்வாளர் கொல்லப்பட்டார். மேலும் ஒரு காவலர் படுகாயமடைந்ததாக காவல்துறை தெரிவித்துள்ளது.
ஜாகர்குண்டா காவல் நிலைய எல்லைக்குட்பட்ட பகுதியில், சிஆர்பிஎப் 165வது பட்டாலியனின் குழு, மாவோயிஸ்ட் எதிர்ப்பு நடவடிக்கையில் ஈடுபட்டிருந்தபோது, இன்று காலையில் இச்சம்பவம் நடைபெற்றதாக காவல்துறை அதிகாரி ஒருவர் கூறினார்.
பெத்ரே முகாமிலிருந்து உர்சங்கல் கிராமத்தை நோக்கி, இன்று காலை 7 மணி அளவில், இந்த நடவடிக்கை மேற்கொள்ளப்பட்டதாக அவர் தெரிவித்தது குறிப்பிடத்தக்கது.
2nd card
4 மாவோயிஸ்டுகளை தேடும் சிஆர்பிஎஃப்
இந்த நடவடிக்கையின் போது ஏற்பட்ட துப்பாக்கிச் சண்டையில், சுதாகர் ரெட்டி என்ற துணை ஆய்வாளர் கொல்லப்பட்ட நிலையில், ராமு என்ற காவலர் படுகாயம் அடைந்ததாக அந்த அதிகாரி தெரிவித்தார்.
துப்பாக்கி சண்டை ஓய்ந்த பிறகு, நான்கு மாவோயிஸ்டுகள் சுற்றி வளைக்கப்பட்ட நிலையில், அவர்களை தேடும் பணி நடைபெற்று வருகிறது.
காயமடைந்த காவலர் சிகிச்சைக்காக மருத்துவமனையில் அனுமதிக்கப்பட்டுள்ளார்.
CRPFன் 165 பட்டாலியன் மற்றும் சத்தீஸ்கர் காவல்துறை 17 ஆண்டுகளுக்குப் பிறகு, இந்த ஆண்டு பிப்ரவரியில் மாநிலத்தின் மாவோயிஸ்டுகளால் மிகவும் பாதிக்கப்பட்ட பகுதியான சுக்மாவில் உள்ள பெத்ரேயில், செயல்பாட்டு மையத்தை அமைத்தது குறிப்பிடத்தக்கது.