இந்தியாவில் ஒரே நாளில் 5,676 கொரோனா பாதிப்பு: 21 பேர் உயிரிழப்பு
நேற்று(ஏப்-10) 5,880ஆக இருந்த தினசரி கொரோனாவின் எண்ணிக்கை, தற்போது 5,676ஆக குறைந்துள்ளது. நாட்டின் செயலில் உள்ள கொரோனா 37,093 ஆக உயர்ந்துள்ளது. இது மொத்த தொற்றுநோய்களில் 0.08 சதவீதமாகும். இதுவரை, இந்தியாவில் 4.47 கோடி(4,47,68,172) கொரோனா பாதிப்புகள் ஏற்பட்டுள்ளது. கொரோனாவால் இதுவரை ஏற்பட்ட உயிரிழப்புகள் 5,31,000 ஆக உயர்ந்துள்ளது. கடந்த 24 மணிநேரதத்தில் மட்டும் 21 இறப்புகள் பதிவாகியுள்ளன. நாட்டிலேயே அதிகபட்ச கொரோனா உயர்வு கேரளாவில் காணப்பட்டுள்ளது. தொடர்ந்து இரண்டாவது வாரமாக கேரளாவில் அதிக எண்ணிக்கையிலான புதிய கொரோனா வழக்குகள்(11,296) பதிவு செய்யப்பட்டுள்ளது. இது முந்தைய வாரத்தை விட 2.4 மடங்கு அதிகமாகும். இதைத் தொடர்ந்து மகாராஷ்டிராவில் 4,587 நோய்த்தொற்றுகளும், டெல்லியில் 3,896 நோய்த்தொற்றுகளும், ஹரியானாவில் 2,140 பாதிப்புகளும் பதிவாகி உள்ளன.
கொரோனா பாதிப்புகள் மற்றும் தடுப்பூசிகளின் புள்ளிவிவரங்கள்
இருந்தாலும், இறப்புகள் குறைவாகவே பதிவாகி இருக்கிறது. கடந்த 1 வாரத்தில் நாடு முழுவதும் 68 பேர் கொரோனவால் உயிரிழ்ந்துள்ளனர். கொரோனாவிலிருந்து மீண்டவர்களின் எண்ணிக்கை 44,200,079ஆக உயர்ந்துள்ளது. கடந்த 24 மணிநேரதத்தில் மட்டும் 3,761 பேர் குணமடைந்துள்ளனர். தினசரி கொரோனா நேர்மறை விகிதம் 6.91 சதவீதமாகவும், வாராந்திர நேர்மறை விகிதம் 3.67 சதவீதமாகவும் பதிவு செய்யப்பட்டுள்ளது. தேசிய கொரோனா மீட்பு விகிதம் 98.73 சதவீதமாகவும், இறப்பு விகிதம் 1.19 சதவீதமாகவும் பதிவு செய்யப்பட்டுள்ளதாக அமைச்சகம் தெரிவித்துள்ளது. கடந்த 24 மணி நேரத்தில் 1,96,796 கொரோனா சோதனைகள் நடத்தப்பட்டுள்ளது. இதுவரை 220,66,23,885 கோவிட் தடுப்பூசிகள் மக்களுக்கு வழங்கப்பட்டுள்ளதாக அமைச்சகத்தின் இணையதள தரவுகள் கூறுகின்றன. கடந்த 24 மணிநேரத்தில் மட்டும் 358 தடுப்பூசிகள் போடப்பட்டுள்ளன.
