மருத்துவ மாணவிக்கு பாலியல் தொல்லை கொடுத்த மருத்துவர் பணியிடை நீக்கம்
செய்தி முன்னோட்டம்
செங்கல்பட்டு மாவட்டத்தில் அரசு மருத்துவக்கல்லூரி செயல்பட்டு வருகிறது.
100க்கும்மேற்பட்ட மருத்துவ மாணவர்கள் பயிலும் இந்த கல்லூரியில் 3ம்ஆண்டு படிக்கும் மருத்துவ மாணவி ஒருவருக்கு மூத்த மருத்துவர் ஒருவர் நேற்று(மே.,30)சுமார் 2 மணியளவில் பாலியல் தொந்தரவு கொடுத்ததாக தெரிகிறது.
இதனையடுத்து பாதிக்கப்பட்ட மாணவி கல்லூரி முதல்வரிடம் புகாரளித்துள்ளார்.
ஆனால் அந்த புகார்மீது கல்லூரி முதல்வர் எவ்வித நடவடிக்கையும் மேற்கொள்ளவில்லை.
இதனால் ஆத்திரமடைந்த 50க்கும் மேற்பட்ட பயிற்சி மருத்துவர்கள் போராட்டமிட்டனர்.
அவர்களிடம் மருத்துவ கல்லூரி முதல்வர் மற்றும் செங்கல்பட்டு காவல்துறையினர் பேச்சுவார்த்தை நடத்தியதோடு, உரிய நடவடிக்கை எடுக்கப்படும் என்று உறுதியளித்ததையடுத்து போராட்டம் கைவிடப்பட்டது.
இந்நிலையில் பெண் பயிற்சி மருத்துவருக்கு பாலியல்தொந்தரவு கொடுத்த மருத்துவர் ஜிஜேந்திரனை செங்கல்பட்டு அரசு மருத்துவக்கல்லூரி நிர்வாகம் பணியிடைநீக்கம் செய்து உத்தரவிட்டுள்ளது குறிப்பிடத்தக்கது.
ட்விட்டர் அஞ்சல்
Twitter Post
#JUSTIN || செங்கல்பட்டு அரசு மருத்துவமனையில் பெண் பயிற்சி மருத்துவருக்கு பாலியல் தொல்லை அளித்த புகாரில் மருத்துவர் சஸ்பெண்ட்
— Thanthi TV (@ThanthiTV) June 1, 2023
மருத்துவர் ஜிதேந்திரனை பணியிடை நீக்கம் செய்து செங்கல்பட்டு அரசு மருத்துவக்கல்லூரி நிர்வாகம் உத்தரவு
நேற்று பயிற்சி மருத்துவர்கள் 50க்கும் மேற்பட்டோர்… pic.twitter.com/9qPPfN8hK5