முக்கியமான எக்ஸ்பிரஸ் ரயில்கள் புறப்படும் நேரம் மாற்றம்
தமிழ்நாடு: ரயில்களுக்கான கால அட்டவணை ஒவ்வொரு வருடமும் அக்டோபர் 1ஆம் தேதி மாற்றப்படுவது வழக்கம். அதன் படி, இந்த வருடம் மாற்றப்பட்டிருக்கும் முக்கியமான ரயில்களின் நேர விவரங்களை இப்போது பார்க்கலாம். இதுவரை காலை 7:10 மணிக்கு மதுரையில் புறப்பட்டு சென்னை செல்லும் வைகை எக்ஸ்பிரஸ், இன்று முதல் காலை 6:40 மணிக்கு மதுரையில் இருந்து புறப்படும். இதுவரை இரவு 9:15 மணிக்கு சென்னையில் இருந்து புறப்பட்டு மதுரை செல்லும் வைகை எக்ஸ்பிரஸ், அக்டோபர் 1ஆம் தேதி முதல் இரவு 9:30 மணிக்கு சென்னையில் இருந்து புறப்படும். இதுவரை இரவு 9:35 மணிக்கு மதுரையில் புறப்பட்டு சென்னை செல்லும் பாண்டியன் எக்ஸ்பிரஸ், இன்று முதல் இரவு 9:20 மணிக்கு மதுரையில் இருந்து புறப்படும்.
மாற்றப்பட்டிருக்கும் ரயில்களின் நேரங்கள்
இதுவரை காலை 7:25 மணிக்கு மதுரையில் இருந்து புறப்பட்டு கோவை செல்லும் கோவை எக்ஸ்பிரஸ், இன்று முதல் காலை 7:00 மணிக்கு மதுரையில் இருந்து புறப்படும். இதுவரை இரவு 7:55 மணிக்கு நெல்லையில் இருந்து புறப்பட்டு சென்னை செல்லும் நெல்லை எக்ஸ்பிரஸ், அக்டோபர் 1ஆம் தேதி முதல் இரவு 8:05 மணிக்கு நெல்லையில் இருந்து புறப்படும். இதுவரை இரவு 8:20 மணிக்கு தூத்துக்குடியில் இருந்து புறப்பட்டு சென்னை செல்லும் முத்துநகர் எக்ஸ்பிரஸ், அக்டோபர் 1ஆம் தேதி முதல் இரவு 8:25 மணிக்கு தூத்துக்குடியில் இருந்து புறப்படும்.