ஜம்மு காஷ்மீர் துணைநிலை ஆளுநருக்கு கூடுதல் அதிகாரம் அளிக்க விதிகளில் திருத்தம் செய்தது மத்திய அரசு
செய்தி முன்னோட்டம்
ஜம்மு காஷ்மீர் லெப்டினன்ட் கவர்னர் மனோஜ் சின்ஹாவுக்கு கூடுதல் அதிகாரம் வழங்க, ஜம்மு காஷ்மீர் மறுசீரமைப்பு சட்டம் 2019ஐ இந்திய உள்துறை அமைச்சகம் (MHA) திருத்தியுள்ளது. ஜம்மு காஷ்மீரில் சட்டமன்ற தேர்தல் விரைவில் நடத்தப்பட உள்ளதாக எழுந்த வதந்திகளுக்கு மத்தியில், மத்திய அரசு ஜம்மு காஷ்மீர் லெப்டினன்ட் கவர்னருக்கு கூடுதல் அதிகாரத்தை அளித்துள்ளது. உள் பாதுகாப்பு, அரசாங்க வழக்கறிஞர்களை நியமித்தல், அரசாங்க அதிகாரிகளை இடமாற்றுதல் உள்ளிட்ட விஷயங்களில் தற்போது ஆளுநருக்கு அதிக அதிகாரம் வழக்கப்பட்டுள்ளது. எனவே, மக்களால் தேர்ந்தெடுக்கப்பட்ட அரசாங்கத்திற்கு இனி மேற்கூறிய விஷயங்களில் வரையறுக்கப்பட்ட அதிகாரம் மட்டுமே இருக்கும்.
இந்தியா
குடியரசு தலைவர் திரௌபதி முர்மு ஒப்புதல்
"சட்டத்தின் கீழ் காவல்துறை, பொது ஒழுங்கு, ஏஐஎஸ் மற்றும் ஏசிபி தொடர்பான நிதித் துறையின் ஒப்புதல் தேவைப்படும் எந்த முன்மொழிவும் தலைமைச் செயலர் மூலம் லெப்டினன்ட் கவர்னரிடம் முன்வைக்கப்படாவிட்டால் அது ஏற்றுக்கொள்ளப்படாது அல்லது நிராகரிக்கப்படாது." என்று இதற்கான அறிவிப்பில் கூறப்பட்டுள்ளது. MHA அறிவிப்பின்படி, அட்வகேட்-ஜெனரல் மற்றும் பிற சட்ட அதிகாரிகளை நியமிப்பதற்கான திட்டங்களை, சட்டம், நீதி மற்றும் நாடாளுமன்ற விவகாரத் துறை, லெப்டினன்ட் கவர்னரிடம் முன்வைக்கும். தலைமைச் செயலர் மற்றும் முதல்வர் மூலம் இது முன்வைக்கப்படும். வழக்குத் தடைகள் அல்லது மேல்முறையீடுகள் தொடர்பான முன்மொழிவுகளும் இதே நடைமுறையில் செயல்படுத்தப்படும். குடியரசு தலைவர் திரௌபதி முர்மு இந்த திருத்தங்களுக்கு ஒப்புதல் அளித்துள்ளார். இது ஜூலை 12 முதல் நடைமுறைக்கு வந்தது.