ஐபோன் வாங்க பணம் இல்லாததால் டெலிவரிக்கு வந்த நபரை கொலை செய்த இளைஞர்
செய்தி முன்னோட்டம்
கர்நாடகாவில் ஐபோனை ஆன்லைனில் ஆர்டர் செய்த 20 வயது இளைஞர், டெலிவரி ஏஜெண்டிடம் பணம் செலுத்த முடியாததால் அவரைக் கொலை செய்துள்ளார்.
ஹேமந்த் தத் பிப்ரவரி 7ஆம் தேதி ஹாசன் மாவட்டத்தில் உள்ள தனது வீட்டில் ஈகார்ட் டெலிவரி ஏஜென்ட் ஹேமந்த் நாயக்கை பலமுறை கத்தியால் குத்தி கொலை செய்ததாக கூறப்படுகிறது.
EKart என்பது இ-காமர்ஸ் தளமான Flipkartஇன் துணை நிறுவனமாகும்.
ஹேமந்த் தத், பாதிக்கப்பட்டவரின் உடலை ஒரு சாக்குப்பையில் அடைத்து, தனது வீட்டில் மூன்று நாட்கள் வைத்திருந்தார் என்றும் அதன்பின், ஒரு ரயில் தண்டவாளத்திற்கு அருகில் உடலை தீயிலிட்டு எரித்தார் என்றும் விசாரணைகள் தெரிவிக்கின்றன.
ஹேமந்த்-தத், ரயில் தண்டவாளத்தை நோக்கி உடலுடன் இரு சக்கர வாகனத்தில் செல்வது சிசிடிவி கேமராவில் பதிவாகியுள்ளது.
ட்விட்டர் அஞ்சல்
உடலை இரு சக்கர வாகனத்தில் வைத்து எடுத்து செல்லும் ஹேமந்த் தத்
A 20 year old man killed an E kart delivery guy, kept the body three days in his home, and burnt the body later all for an obsession for an #iPhone which he didn't have financial means to pay. Hemanth Dutt of Ariskere town in #Hassan #Karnataka has been arrested- thanks to cctv pic.twitter.com/FIHLtMHqqY
— Imran Khan (@KeypadGuerilla) February 19, 2023