பாதயாத்திரை மேற்கொள்ளும் பாஜக அண்ணாமலை - தேமுதிக'விற்கு அழைப்பு
செய்தி முன்னோட்டம்
தமிழ்நாடு பாஜக தலைவரான அண்ணாமலை பாதயாத்திரை மேற்கொள்ளவுள்ள நிலையில், தேமுதிக'விற்கு இதில் கலந்துக்கொள்ள அழைப்பு விடுக்கப்பட்டுள்ளது.
நாடாளுமன்ற தேர்தல் விரைவில் நடக்கவுள்ள நிலையில், 3வது முறையாக ஆட்சியினை பிடித்து தக்கவைத்து கொள்ள பாஜக பல விஷயங்களை செய்து வருகிறது.
இதற்கிடையே தற்போது அண்ணாமலை வரும் ஜூலை 28ம் தேதி பாதயாத்திரை துவங்கவுள்ளார் என்று அறிவிப்பு வெளியானது.
இந்த பாதயாத்திரையானது ராமேஸ்வரத்தில் துவங்கவுள்ளது என்றும் செய்திகள் தெரிவிக்கும் நிலையில், இத்துவக்க விழாவில் மத்திய அமைச்சர் அமித்ஷா கலந்துக்கொண்டு உரையாற்றவுள்ளார் என்று தெரிகிறது.
அதனை தொடர்ந்து, இந்த விழாவில் கலந்துக்கொள்ள பா.ம.க தலைவர் அன்புமணி ராமதாஸ், த.மா.க தலைவர் ஜி.கே.வாசன், அ.தி.மு.க ஓ.பன்னீர் செல்வம் மற்றும் எடப்பாடி பழனிசாமி உள்ளிட்டோருக்கு அழைப்பு விடுக்கப்பட்டுள்ளது.
பாஜக
பாஜக கூட்டணி ஆலோசனை கூட்டத்திற்கு தேமுதிகவுக்கு அழைப்பு விடுக்கவில்லை
இந்நிலையில் தேமுதிக பொருளாளராகவுள்ள பிரேமலதா விஜயகாந்த் நேற்று முன்தனம் தாங்கள் எந்த கட்சியிலும் கூட்டணியில் இல்லை என்பதை பகிரங்கமாக அறிவித்தார்.
ரகசியமாக கூட்டணி குறித்து பேசுவது தேமுதிகவின் பழக்கம் இல்லை என்றும் அவர் தெரிவித்திருந்தார்.
இதற்கு திமுக'வோடு கூட்டணி குறித்து தேமுதிக ரகசிய ஆலோசனை நடத்தி வருகிறது என்று வதந்திகள் வெளியானது தான் காரணமாகும்.
இதனிடையே, பாஜக மாநில துணை தலைவரான கரு.நாகராஜன் ராமேஸ்வரத்தில் நடக்கவுள்ள 'என் மண் என் மக்கள்' என்னும் தலைப்பிலான பாதயாத்திரை துவக்க விழாவில் கலந்துக்கொள்ளுமாறு பிரேமலதா விஜயகாந்த்தை நேரில் சந்தித்து அழைப்பு விடுத்துள்ளார்.
சமீபத்தில் டெல்லியில் நடைபெற்ற பாஜக கூட்டணி ஆலோசனை கூட்டத்திற்கு தேமுதிகவுக்கு அழைப்பு விடுக்கவில்லை என்பது குறிப்பிடத்தக்கது.