பிரதமர் மோடியின் பிறந்தநாளையொட்டி பாஜக அறிமுகப்படுத்தி இருக்கும் நலத்திட்டங்கள்
செய்தி முன்னோட்டம்
பிரதமர் நரேந்திர மோடி இன்று தனது 73வது பிறந்த நாளை கொண்டாடுகிறார். இதையொட்டி, பாரதிய ஜனதா கட்சி(பாஜக) பல திட்டங்களை அறிமுகப்படுத்தியுள்ளது.
பாஜக தலைமையிலான மத்திய அரசு விஸ்வகர்மா யோஜனா திட்டம் உட்பட சில முக்கிய திட்டங்களை இன்று அறிமுகப்படுத்தியுள்ளது.
மேலும், புதுடெல்லியின் துவாரகாவில் உள்ள "யஷோபூமி" என்று அழைக்கப்படும் இந்திய சர்வதேச மாநாட்டு மையத்தின்(ஐஐசிசி) முதல் கட்டத்தை பிரதமர் மோடி இன்று திறந்து வைத்தார்.
பிரதமர் மோடியின் 73-வது பிறந்தநாளை கொண்டாடும் வகையில், பாஜக இன்று பதினைந்து நாட்கள் நீடிக்கும் "சேவா பக்வாரா"(பதினைந்து நாட்கள் சேவை) என்பதை தொடங்குகிறது.
மகாத்மா காந்தியின் பிறந்த நாளான அக்டோபர் 2ம் தேதி வரை இந்தப் பிரச்சாரம் தொடரும்.
திக்னம்ல்ஜ்
30,000 பள்ளி மாணவிகளுக்கு வங்கிக் கணக்கு திட்டம்
சுகாதார அமைச்சகம் இன்று ஆயுஷ்மான் பவ் பிரச்சாரத்தையும் தொடங்க உள்ளது. இது சமூகத்தில் பொருளாதார ரீதியாக பின்தங்கிய பிரிவினருக்கு சுகாதாரத்தை மேம்படுத்துவதை நோக்கமாகக் கொண்டது.
மேலும், பெண்களுக்கு அதிகாரமளிக்கும் திட்டத்தின் கீழ் பிரதமர் மோடியின் பிறந்தநாளான இன்று 30,000 பள்ளி மாணவிகளுக்கு வங்கிக் கணக்கு தொடங்கப்படும் என குஜராத் பாஜக அறிவித்துள்ளது.
கடந்த ஒன்பதரை ஆண்டுகளில் மோடி அரசாங்கத்தின் முக்கிய சாதனைகளை முன்னிலைப்படுத்தும் நோக்கில் பாஜக ஒரு விரிவான பிரச்சாரத்தை தொடங்கும் என்றும் எதிர்பார்க்கப்படுகிறது.
குஜராத்தின் ராஜ்கோட்டில் சிறப்பு யோகா முகாம்கள் பாஜகவால் ஏற்பாடு செய்யப்பட்டுள்ளன. இந்த முகாம்களில் 500-பேர் கலந்துகொள்ள உள்ளனர்.
கைவினைஞர்கள் மற்றும் பாரம்பரிய திறன் பயிற்சியாளர்களுக்கு உதவும் விஸ்வகர்மா யோஜனா திட்டமும் இன்று ரூ.13,000 கோடி செலவில் தொடங்கப்படும்.