அமலாக்க இயக்குநரகத்தின் புகாரை அடுத்து அரவிந்த் கெஜ்ரிவாலுக்கு சம்மன் அனுப்பியது டெல்லி நீதிமன்றம்
செய்தி முன்னோட்டம்
டெல்லி முதல்வர் அரவிந்த் கெஜ்ரிவால் பிப்ரவரி 17ஆம் தேதி நேரில் ஆஜராக வேண்டும் என்று டெல்லி நீதிமன்றம் உத்தரவிட்டுள்ளது. டெல்லி மதுபான கொள்கையை இயற்றி நடைமுறைப்படுத்தும் போது பணமோசடி நடந்தததாக ஆம் ஆத்மி தலைவர்களிடம் பல நாட்களாக விசாரணை நடந்து வருகிறது. மணீஷ் சிசோடியா போன்ற சில முக்கிய தலைவர்கள் இந்த விவாகரத்தில் கைது செய்யப்பட்டு சிறையில் அடைக்கப்பட்டுள்ளனர். இந்நிலையில், இந்த பணமோசடி வழக்கு விசாரணைக்காக டெல்லி முதல்வர் அரவிந்த் கெஜ்ரிவாலுக்கு அமலாக்கத் துறை 5 முறை சம்மன் அனுப்பியும் அவர் ஆஜராகவில்லை. கடைசியாக பிப்ரவரி 2ஆம் தேதி அவர் ஐந்தாவது சம்மனை நிராகரித்தார்.
டெல்லி
இது மத்திய பாஜக அரசின் சதி என்று குற்றம்சாட்டும் ஆம் ஆத்மி
இந்நிலையில், டெல்லி முதல்வர் 5 சம்மன்களை நிராகரித்ததற்க்காக கடந்த வாரம், அமலாக்க இயக்குநரகம் அவர் மீது புகார் அளித்தது. இது குறித்து அமலாக்க இயக்குநரகத்திற்கு பதிலளித்திருந்த அரவிந்த் கெஜ்ரிவால், விசாரணைக்கு ஒத்துழைக்கத் தான் தயாராக இருப்பதாகவும், ஆனால், சம்மன் நோட்டீஸ் சட்டவிரோதமாக அனுப்பப்பட்டது எனவும் தெரிவித்திருந்தார். மேலும், இதெல்லாம் மத்திய பாஜக அரசின் சதி என்றும் ஆம் ஆத்மி கட்சி குற்றம்சாட்டியுள்ளது. நவம்பர் 2, டிசம்பர் 21, ஜனவரி 19 மற்றும் ஜனவரி 31 ஆகிய தேதிகளுக்கான சம்மன்களையும் ஆம் ஆத்மி தலைவர் கெஜ்ரிவால் புறக்கணித்திருக்கிறார். இந்நிலையில், அமலாக்க இயக்குநரகத்தின் புகாரை ஏற்றுக்கொண்ட டெல்லி நீதிமன்றம், அரவிந்த் கெஜ்ரிவால்பிப்ரவரி 17ஆம் தேதி நேரில் ஆஜராக வேண்டும் என்று உத்தரவிட்டுள்ளது.