தமிழகத்தில் குட்கா போன்ற புகையிலை பொருட்களுக்கு தடை குறித்து ஆலோசனை கூட்டம்
சென்னையில் இன்று(ஏப்ரல்.,27) மக்கள் நல்வாழ்வுத்துறை அமைச்சர் மா.சுப்ரமணியம் செய்தியாளர்களை சந்தித்து பேசினார். அப்போது அவர் கூறுகையில், தமிழ்நாடு மாநிலத்தில் குட்கா, பான்பராக் உள்ளிட்ட புகையிலை பொருட்களுக்கு தடை குறித்து மாவட்ட சுகாதார அலுவலர்களுடன் நாளை(ஏப்ரல்.,27) ஆலோசனை கூட்டம் நடத்தப்படவுள்ளது. அந்த கூட்டத்தில் குட்கா விவகாரம் குறித்து ஆலோசிக்கப்படும். அதன்படி குட்கா உள்ளிட்ட தடை செய்யப்பட்ட பொருட்கள் விற்பனை பற்றி தகவல்கள் கொடுத்தால் அதற்கான உரிய சட்டபூர்வ நடவடிக்கை எடுக்கப்படும். தகவல் தருபவர்களின் ரகசியமும் காக்கப்படும் என்று அவர் கூறியுள்ளார். கடந்த 2006ம் ஆண்டு இயற்றப்பட்ட உணவு பாதுகாப்பு மற்றும் தர சட்டத்தின் கீழ், தமிழகத்தில் குட்கா, பான் மசாலா, சுவையூட்டப்பட்ட புகையிலை பொருட்களுக்கு தடை விதித்து உணவு பாதுகாப்பு துறை ஆணையர் உத்தரவிட்டார்.
தமிழகத்தில் கொரோனா பாதிப்பு குறைந்து வருகிறது
அதன்பின்னர் ஒவ்வொரு ஆண்டும் இந்த உத்தரவானது நீட்டிக்கப்பட்டு வருவது வழக்கம். இதற்கிடையே இதற்கு நிரந்தரமாக தடைவிதிக்க கோரி சென்னை உயர்நீதிமன்றத்தில் முன்னதாக வழக்குகள் தொடரப்பட்டது. இந்த வழக்கு குறித்த அனைத்து விசாரணைகளும் முடிந்த பின்னர் நீதிபதிகள் மத்திய அரசு கொண்டுவந்த சட்டத்தின் படி, புகையிலை பொருட்களுக்கு முழு தடை விதிக்க விதிகள் வகுக்கவில்லை. புகையிலை பொருட்களை விற்பனை செய்யவும், விளம்பரங்களை ஒழுங்குபடுத்தவும் மட்டுமே மாநில அரசுகளுக்கு அதிகாரம் உள்ளது என்று கூறினர் என்பது குறிப்பிடவேண்டியவை. மேலும் கொரோனா பாதிப்பு குறித்து இன்று மா.சுப்ரமணியம் கூறுகையில், கடந்த சில நாட்களாக தமிழகத்தில் கொரோனா பாதிப்பு குறைந்துள்ளது. எனவே மக்கள் அச்சப்படத்தேவையில்லை. தொற்று பரவலை கையாள தேவையான நடவடிக்கைகள் எடுக்கப்பட்டு வருகிறது என்று கூறியது குறிப்பிடத்தக்கது.
இந்த காலவரிசையைப் பகிரவும்