பால் பொருட்களை தொடர்ந்து, குடிநீர் விற்பனையில் இறங்குகிறது ஆவின்
செய்தி முன்னோட்டம்
பால் பொருட்களை தொடர்ந்து, குடிநீர் விற்பனையில் இறங்க தமிழகத்தின் ஆவின் நிறுவனம் முடிவு செய்துள்ளது. பால் உற்பத்தியில் வெற்றி பெற்றதை அடுத்து, மாநில கூட்டுறவு நிறுவனமான ஆவின், பேக்கேஜ் செய்யப்பட்ட குடிநீர் வணிகத்தில் இறங்க உள்ளது. இதற்காக 1,00,000 பெட் பாட்டில்களை கொள்முதல் செய்ய ஆவின் நிறுவனம் டெண்டர் கோரியுள்ளது. ஒரு நாளைக்கு மேற்கூறிய எண்ணிக்கையில் பாட்டில்கள் விற்பனை செய்யப்படும் என முதற்கட்டமாக முடிவு செய்யப்பட்டுள்ளது. அரை லிட்டர் மற்றும் ஒரு லிட்டர் தண்ணீர் பாட்டில்கள் இனி குறைந்த விலையில் விற்கப்படும் என்று ஆவின் தெரிவித்துள்ளது.
DETAILS
ஆவின் குடிநீர் விற்பனை ஒப்பந்தம் அடிப்படையில் நடைபெற உள்ளது
அது போக ஆவின் பால் பாக்கெட்டுகளிலும் மாற்றங்கள் கொண்டுவர இருப்பதாக தமிழக அரசு அறிவித்துள்ளது. இதுவரை, பச்சை நிறத்தில் இருந்த ஆவின் பால் பாக்கெட்டான 'கிறீன் மாஜிக்', புதிய வடிவில் விற்கப்பட உள்ளது. மேலும், ஆவின் பால் பாக்கெட்டுகளின் நிறமும் மாற்றப்பட உள்ளதாக ஆவின் தெரிவித்துள்ளது. புதிதாக தொடங்கப்பட இருக்கும் ஆவின் குடிநீர் விற்பனை ஒப்பந்தம் அடிப்படையில் நடைபெற உள்ளது. குடிநீர் ஆலைகள் மற்றும் இயந்திரங்கள் வைத்திருப்பவர்களுடன் ஆவின் நிறுவனம் ஒப்பந்தத்தின் அடிப்படையில் கூட்டணி வைத்துக்கொள்ள இருக்கிறது. முதற்கட்டமாக, தினமும் 1 லட்சம் குடிநீர் பாட்டில்கள் விற்க இலக்கு நிர்ணயிக்கப்பட்டுள்ளது.