திருவண்ணாமலையில் சாலை விபத்து- 3 குழந்தைகள் உட்பட 8 பேர் பலி
செய்தி முன்னோட்டம்
திருவண்ணாமலை மாவட்டம் செங்கம் அருகே காரும் லாரியும் மோதிக்கொண்ட சாலை விபத்தில், 3 குழந்தைகள் உட்பட 7 பேர் சம்பவ இடத்திலேயே உயிரிழந்தனர்.
ஒருவர் மருத்துவமனையில் அனுமதிக்கப்பட்ட பின்னர் சிகிச்சை பலனின்றி உயிரிழந்தார்.
மஹாளய அமாவாசையை முன்னிட்டு, நேற்று மேல்மலையனூர் கோவிலில் சுவாமி தரிசனம் செய்ய கர்நாடகாவில் இருந்து ஒரே காரில் 8 பேர் வந்துள்ளனர்.
இவர்கள் சாமி தரிசனம் முடித்துவிட்டு இன்று காலை கர்நாடகம் திரும்பி உள்ளனர்.
திருவண்ணாமலை பெங்களூர் தேசிய நெடுஞ்சாலையில், செங்கம் அடுத்த பக்கிரிபாளையம் என்ற பகுதியில் புறவழிச்சாலையில் அதிவேகமாக சென்ற கார் எதிரே திருவண்ணாமலை நோக்கி வந்த லாரியின் மீது மோதி விபத்துக்குள்ளானது.
2nd card
அப்பளம் போல் நொறுங்கிய கார்
இந்த விபத்தில், அதிவேகமாக சென்ற கார் லாரியின் அடியில் சிக்கி அப்பளம் போல் நொறுங்கியது.
இந்த விபத்தில் கார் ஓட்டுநர், 3 பெண்கள், மற்றும் 3 குழந்தைகள் என 7 பேர் சம்பவ இடத்திலேயே உயிரிழந்தனர்.
மேலும் படுகாயம் அடைந்த ஒரு பெண், ஆம்புலன்ஸ் மூலம் மீட்கப்பட்டு திருவண்ணாமலை அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்ட பின்னர் உயிரிழந்தார்.
விபத்து கார் ஓட்டுனரின் தூக்க கலக்கத்தில் நடைபெற்றதா இல்லை வேறு எதுவும் காரணமா என செங்கம் போலீசார் வழக்கு பதிவு செய்து விசாரணையில் ஈடுபட்டு வருகின்றனர்.