உலகின் தலைசிறந்த விஞ்ஞானிகள் பட்டியலில் தொடர்ந்து இடம்பிடிக்கும் 4 தமிழக பேராசிரியர்கள்
செய்தி முன்னோட்டம்
கடந்த 2022ம் ஆண்டில் உலகளவில் பெரும் தாக்கத்தினை ஏற்படுத்தும் வகையிலான 2%விஞ்ஞானிகள் பட்டியலினை அமெரிக்கா நாட்டினை சேர்ந்த ஸ்டான்போர்டு பல்கலைக்கழக பேராசிரியரான ஜான் லொன்னிடிஸும் அவரது குழுவினரும் இணைந்து வெளியிட்டுள்ளனர்.
அதன்படி இந்த பட்டியலில், 22 அறிவியல் துறைகளிலும் 176 துணை துறைகளிலும் செயல்பட்டு வரும் உலகிலுள்ள சிறந்த விஞ்ஞானிகள் வகைப்படுத்தப்பட்டுள்ளதாக கூறப்படுகிறது.
உலகிலுள்ள 2 லட்சத்திற்கும் மேற்பட்ட விஞ்ஞானிகள் இப்பட்டியலில் இடம்பெற்றுள்ள நிலையில், 3,500க்கும் மேலான இந்திய நாட்டினை சேர்ந்த விஞ்ஞானிகள் இதில் இடம்பிடித்துள்ளனர்.
திண்டுக்கல்
கிராம கிராமிய பல்கலைக்கழக பேராசிரியர்கள் 4 பேர் பெயர்
இதனிடையே, திண்டுக்கல் மாவட்டத்தில் செயல்பட்டு வரும் காந்தி கிராம கிராமிய பல்கலைக்கழக பேராசிரியர்கள் 4 பேர் இப்பட்டியலில் இடம்பிடித்துள்ளனர் என்று செய்திகள் வெளியாகியுள்ளது.
அதன்படி, இந்த பல்கலைக்கழகத்தின் வேதியியல்துறை பேராசிரியர்கள் எஸ்.மீனாட்சி, எம்.ஜி.சேதுராமன், கணிதவியல் துறை பேராசிரியர் பி.பாலசுப்ரமணியம், இயற்பியல் துறை பேராசிரியர் கே.மாரிமுத்து ஆகியோரது பெயர்கள் இடம்பெற்றுள்ளது என்பது தமிழகத்திற்கு பெருமை தரும் விஷயமாகும்.
விவரங்கள்
தாவரங்களின் மூலப்பொருட்கள் கொண்டு ஆய்வு
இதற்கிடையே, கணிதவியல் பேராசிரியரான பி.பாலசுப்பிரமணியம் செயலாக்க தொழில்நுட்பம் மற்றும் கிரிப்டோகிராஃபி மூலம் நோயாளிகளின் மூளையில் ஏற்படக்கூடிய அதிர்ச்சியினை கண்டறிதல், தரம் குறைந்த படங்களை தெளிவில்லா தர்க்க அணுகுமுறைகளை கொண்டு உயர்தரப்படமாக மாற்றுதல் போன்ற ஆய்வுகளில் ஈடுபட்டுள்ளார்.
அவரைத்தொடர்ந்து வேதியியல்துறை பேராசிரியர் எம்.ஜி.சேதுராமன், தாவரங்களின் மூலப்பொருட்களின் இருந்து உருவாகும் சேர்மங்கள் கொண்டு உலோக அரிப்புகளை தடுக்க உதவும் காரணிகளை உருவாக்குவதற்கான ஆய்வில் ஈடுபட்டு வருகிறார் என்று கூறப்படுகிறது.
வேதியியல்
கழிவுநீரில் உள்ள நச்சுக்களை நீக்குவது குறித்த ஆய்வு
அடுத்து வேதியியல்துறை பேராசிரியரான எஸ்.மீனாட்சி, பாதரசம், குரோமியம், காரியம், ப்ளூரைடு போன்ற நச்சுத்தன்மைகளை கழுவுநீரில் இருந்து நீக்குவது குறித்த ஆய்வினை செய்து வருகிறாராம்.
நான்காவதாக இயற்பியல் துறை பேராசிரியர் கே.மாரிமுத்து, அபாயகரமான கதிர்வீச்சினை தடுக்கும் வகையிலான கண்ணாடிகளை உருவாக்கும் ஆய்வில் ஈடுபட்டுள்ளார்.
மேலும், பூமியிலுள்ள அரிய தாது வகைகளை கொண்டு செய்யப்படும் கண்ணாடிகள் மூலம் லேசர் ஒளி, வெள்ளை ஒளி போன்றவை உமிழ்வதற்கான ஆய்வினையும் அவர் மேற்கொண்டுள்ளார் என்று தெரிகிறது.
சிறப்பு
தொடர்ச்சியாக 4 ஆண்டுகளாக பட்டியலில் இடம்பிடித்து சாதனை
இதில் மிகப்பெரிய சிறப்பு என்னவென்றால் 4 பேரும் ஒரே பல்கலைக்கழகத்தினை சேர்ந்த பேராசிரியர்கள் என்பதை தாண்டி, கடந்த 2019ம் ஆண்டு முதல் 2020, 2021, 2022 என தொடர்ச்சியாக 4 ஆண்டுகளாக உலகின் சிறந்த விஞ்ஞானிகள் பட்டியலில் இடம்பெற்றுள்ளனர் என்பது தான்.
இந்த சாதனை மூலம் இவர்கள் தற்போதைய தலைமுறையினருக்கு சிறந்த எடுத்துக்காட்டாக விளங்குகிறார்கள் என்பது குறிப்பிடத்தக்கது.