தமிழகத்தின் 4 மாவட்டங்களில் 4027 பெண்களுக்கு புற்றுநோய் அறிகுறி இருப்பது கண்டுபிடிப்பு
செய்தி முன்னோட்டம்
தமிழகத்தில் உள்ள ஈரோடு, ராணிப்பேட்டை, கன்னியாகுமரி, திருப்பத்துார் ஆகிய 4 மாவட்டங்களில் உள்ள 1.21 லட்சம் பெண்களிடம் நடத்தப்பட்ட பரிசோதனையில், 4,027 பேருக்கு புற்றுநோய்க்கான அறிகுறிகள் இருப்பது கண்டறியப்பட்டுள்ளது.
தமிழ்நாட்டில், தோல் தொழிற்சாலை, சாயப்பட்டறை போன்றவை அதிகமுள்ள மாவட்டங்களில் புற்றுநோய் தாக்கம் அதிகம் இருப்பதாக கண்டறியப்பட்டது.
அதனால், புற்றுநோயை ஆரம்ப நிலையிலேயே கண்டறிந்து சிகிச்சை அளிக்கவேண்டி, மேலே குறிப்பிட்ட மாவட்டங்களில் முதற்கட்டமாக 30 வயதுக்கு மேற்பட்ட பெண்களுக்கு புற்றுநோய் பரிசோதனை திட்டத்தை செயல்படுத்த தமிழக சுகாதாரத்துறை முடிவு செய்தது.
இத்திட்டத்தின் மூலம் 69,000 பெண்களுக்கு மார்பக புற்றுநோய் பரிசோதனை செய்தததில், 1,372 பேருக்கு பாதிப்புக்கான அறிகுறியும், 52,000 பெண்களுக்கு கருப்பைவாய் புற்றுநோய் பரிசோதனை செய்ததில், 2,655 பேருக்கு அறிகுறியும் இருப்பது கண்டறியப்பட்டுள்ளது.
ட்விட்டர் அஞ்சல்
4,027 பெண்களுக்கு புற்று நோய்
#Update | 30 வயதைக் கடந்த 1.21 லட்சம் பெண்களுக்கு மேற்கொள்ளப்பட்ட மருத்துவ பரிசோதனையில், 4,027 பேருக்கு புற்றுநோய்க்கான அறிகுறிகள் இருப்பது கண்டறியப்பட்டுள்ளது!#SunNews | #CancerAwareness | #TamilNadu pic.twitter.com/VmLnRexq7l
— Sun News (@sunnewstamil) March 5, 2024