டெல்லியில் உள்ள 2 மருத்துவமனைகளுக்கு வெடிகுண்டு மிரட்டல்: பாதுகாப்பு படைகள் குவிப்பு
டெல்லியில் உள்ள இரண்டு மருத்துவமனைகளுக்கு இன்று மின்னஞ்சல் மூலம் வெடிகுண்டு மிரட்டல் வந்துள்ளது. புராரி அரசு மருத்துவமனை மற்றும் மங்கோல்புரியில் உள்ள சஞ்சய் காந்தி மருத்துவமனை ஆகிய மருத்துவமனைகளுக்கு வெடிகுண்டு மிரட்டல் விடுக்கப்பட்டுள்ளதாக டெல்லி தீயணைப்பு துறையில் புகார்கள் அளிக்கப்பட்டுள்ளன. டெல்லியில் உள்ள மங்கோல்புரியில் உள்ள புராரி அரசு மருத்துவமனை மற்றும் சஞ்சய் காந்தி மருத்துவமனை ஆகியவற்றிலிருந்து தங்களுக்கு அழைப்பு வந்ததாக அந்தத் துறை அதிகாரிகள் தெரிவித்தனர். மேலும் இதனையடுத்து, அப்பகுதியில் விசாரணை நடந்து வருகிறது.
டெல்லியில் உள்ள 100 பள்ளிகளுக்கு அனுப்பப்பட்ட வெடிகுண்டு மிரட்டல்
மே 1 ஆம் தேதி டெல்லியில் உள்ள 100 பள்ளிகளுக்கும், நொய்டாவில் இரண்டு பள்ளிகளுக்கும், லக்னோவில் உள்ள ஒரு பள்ளிக்கும் வெடிகுண்டு மிரட்டல் அனுப்பப்பட்டது.பின்னர் அது புரளி என்று தெரியவந்தது. ரஷ்ய மின்னஞ்சல் சேவையைப் பயன்படுத்தி அந்த அச்சுறுத்தல்கள் பள்ளிகளுக்கு அனுப்பப்பட்டன. வெடிகுண்டு மிரட்டல் வந்த அனைத்து பள்ளிகளிலும் முழுமையான சோதனை நடத்தியதாகவும், எதுவும் கிடைக்கவில்லை என்றும் டெல்லி போலீசார் அப்போது கூறினர். ஏப்ரல் 30 ஆம் தேதி சில மருத்துவமனைகளுக்கும் இதே போன்ற மின்னஞ்சல்கள் வந்ததாக டெல்லி காவல்துறை (குற்றம்) சிறப்பு சிபி ரவீந்தர் யாதவ் தெரிவித்தார்.
