நடிகை தீபிகா படுகோன் ஏன் திடீரென 'கல்கி'யிலிருந்து நீக்கப்பட்டார்?
செய்தி முன்னோட்டம்
'கல்கி 2898 AD' படத்தின் 2ஆம் பாகத்திலிருந்து தீபிகா படுகோன் சமீபத்தில் நீக்கப்பட்டது இந்தியத் திரைப்படத் துறையையே உலுக்கியது. மேலும், பாலிவுட் ஹங்காமாவின் கூற்றுப்படி, நடிகையின் சில "நியாயமற்ற" கோரிக்கைகள் அவரை நீக்க வழிவகுத்தன. தீபிகா படுகோன் முதல் பாகத்தில் நடித்தபோது பெற்றதை விட சம்பளத்தை 25% உயர்த்தக் கேட்டதாகவும், குறுகிய படப்பிடிப்பு நேரத்தை வலியுறுத்தினார் என்றும் கூறப்படுகிறது. படத்தின் கடுமையான VFX தேவைகள் ஏற்கனவே பட்ஜெட் சவால்களை ஏற்படுத்தியதால், இது தயாரிப்பாளர்களை கோபப்படுத்தியது.
கூடுதல் கோரிக்கைகள்
5 நட்சத்திர தங்குமிடங்கள் மற்றும் உணவு திருப்பிச் செலுத்துதல் ஆகியவை அடங்கும்
சமீபத்தில் தாயான தீபிகா, ஏழு மணி நேரத்திற்கு மேல் வேலை செய்யக் கூடாது என்பதில் கண்டிப்பாக உள்ளார். அதோடு தீபிகா படுகோனின் குழுவினர் 25 பேர் கொண்ட தங்கள் பரிவாரங்களுக்கு ஐந்து நட்சத்திர தங்குமிட வசதிகள் மற்றும் food reimbursements-யையும் கேட்டதாகக் கூறப்படுகிறது. தயாரிப்பாளர்களுக்கு நெருக்கமான ஒருவர் பாலிவுட் ஹங்காமாவிடம், "ஒரு நடிகரின் தங்குமிடம் மற்றும் உணவுக்கு தயாரிப்பாளர்கள் ஏன் கட்டணத்தை விட அதிகமாக பணம் செலுத்த வேண்டும்? இது பல இந்தி தயாரிப்பாளர்களும் எதிர்கொள்ளும் ஒரு பிரச்சினை." என்று கூறினார்.
தயாரிப்பாளரின் பார்வை
தயாரிப்பாளர்கள் நீண்ட வேலை நேரத்திற்கு ஈடாக ஆடம்பர வேனிட்டியை வழங்கினர்
கல்கி 2898 AD- யின் தயாரிப்பாளர்கள், நீண்ட படப்பிடிப்பு நேரங்களுக்கு ஈடாக தீபிகா படுகோனுக்கு ஆடம்பர வேனிட்டியை வழங்க தயாராக இருந்ததாகக் கூறப்படுகிறது. அவர்கள் அவரது அணியின் பலத்தையும் குறைக்கச் சொன்னார்கள். இருப்பினும், அவரது பிரதிநிதிகள் இரு தரப்பிலும் சமரசம் செய்ய மறுத்துவிட்டனர். "பிரபாஸ் கூட கட்டண உயர்வு கேட்காததால், அவர்கள் நிதி பேரம் பேசவும் முயன்றனர்" என்று அந்த வட்டாரம் மேலும் கூறியது. "ஸ்பிரிட் படத்திலும் இதுதான் பிரச்சினை ... படங்கள் வெற்றி பெற நடிகர்கள் அதிக ஒத்துழைப்புடன் இருக்க வேண்டும்." எனக்கூறியது அந்த வட்டாரம்.