ஹாரிஸ் ஜெயராஜின் இசை கச்சேரியில் வெளியாகவுள்ளது விக்ரமின் துருவ நட்சத்திரம் டிரைலர்!
சியான் விக்ரம் நடிப்பில் நீண்ட நாட்களாக தள்ளிப்போன படம் 'துருவ நட்சத்திரம்'. இது கௌதம் வாசுதேவ் மேனன் இயக்கத்தில் உருவாகியுள்ள ஸ்பை த்ரில்லர் பபடம் என அறிவித்துள்ளனர். அதை இரண்டு பாகமாக வெளியிடுவது என முன்னர் இயக்குனர் அறிவித்திருந்தார். ஆனால், 2017 ஆண்டில் துவங்கப்பட்ட திரைப்படம், நிதி நெருக்கடி காரணமாக தாமதமானதாக கூறப்பட்டது. பிரச்சனைகள் எல்லாம் தீர்க்கப்பட்டு, படத்தின் படப்பிடிப்பு சமீபத்தில் முடிவடைந்தது. தொடர்ந்து இப்படம் வரும் ஜூலை 14-ம் தேதி வெளியாகும் என செய்திகள் வெளியாகி உள்ளது. இந்த திரைப்படத்தில், ரிது வர்மா, பார்த்திபன், ஐஸ்வர்யா ராஜேஷ், சிம்ரன், ராதிகா, அர்ஜுன் தாஸ், திவ்யதர்ஷினி ஆகியோர் முக்கிய வேடங்களில் நடிக்கின்றனர். படத்திற்கு இசை, கெளதம் மேனனின் ஆஸ்தான இசையமைப்பாளர் ஹாரிஸ் ஜெயராஜ்.
மலேசியாவில் வெளியாகவுள்ளது விக்ரமின் துருவ நட்சத்திரம் டிரைலர்!
ஒன்ட்ராகா என்டர்டெயின்மென்ட், கொண்டாடுவோம் என்டர்டெயின்மென்ட் மற்றும் எஸ்கேப் ஆர்டிஸ்ட்ஸ் மோஷன் பிக்சர்ஸ் இணைந்து தயாரித்துள்ள இந்த படத்தின் ட்ரைலர் மற்றும் இசைவெளியீட்டு விழா எப்போது என தற்போது செய்திகள் வெளியாகியுள்ளது. இசையமைப்பாளர் ஹாரிஸ் ஜெயராஜ், வரும் ஜூன் 17-ஆம் தேதி மலேசியாவில் இசை நிகழ்ச்சி நடத்த திட்டமிட்டுள்ளார். அப்போதே 'துருவ நட்சத்திரம்' படத்தின் இசைவெளியீட்டு விழாவும், அதனுடன் படத்தின் ட்ரைலரையும் வெளியிட படக்குழுவினர் திட்டமிட்டுள்ளதாக தெரிகிறது. இதனை அறிந்த விக்ரம் ரசிகர்கள், பெரும் மகிழ்ச்சியில் உள்ளனர். நடிகர் விக்ரம் கடைசியாக 'பொன்னியின் செல்வன்' திரைப்படத்தில், சோழ இளவரசர் 'ஆதித்த கரிகாலன்' வேடத்தில் நடித்திருந்தார். அவரின் அசத்திய நடிப்பு, அனைவரின் பாராட்டை பெற்றது. தற்போது விக்ரம், பா.ரஞ்சித் இயக்கும் 'தங்கலான்' படத்தில் நடித்து வருகிறார்.
