வேட்டையன் தொடர்ந்து பாக்ஸ் ஆபிஸ் வசூல்: 11வது நாள் முடிவில் 5 கோடி ரூபாய் வசூலை நெருங்கியது
செய்தி முன்னோட்டம்
வேட்டையன் பாக்ஸ் ஆபிஸ் வசூல் வேட்டையில் தொடர்ந்து நீடித்து வருகிறது.
இந்த திரைப்படம் வெளியான முதல் பத்து நாட்களில் இதுவரை ₹129.25 கோடி நிகர வருவாய் ஈட்டியது.
இருப்பினும் ரஜினிகாந்த்-அமிதாப் பச்சன் நடித்த படம் அதன் வெற்றிப் பயணத்தைத் தொடர்ந்தது கொண்டிருப்பதாக வசூல் நிலவரங்கள் தெரிவிக்கின்றன.
வேட்டையன் வெளியான பதினொன்றாவது நாளில், இப்படம், ₹5 கோடியை ஈட்டியது.
இது 9ஆம் நாள் மற்றும் 10ஆம் நாள் சம்பாதித்ததை விட கணிசமாக அதிகம் என்பது குறிப்பிடத்தக்கது.
அதேபோல வேட்டையன் அக்டோபர் 20ஆம் தேதி இப்படம் வசூலித்தது அதற்கு முந்தைய நாள், அக்டோபர் 19 (நாள் 9) அன்று வசூலித்த ₹4.5 கோடியை விட குறைந்தது 10 சதவீதம் உயர்ந்துள்ளது என லைவ்மின்ட் செய்தி வெளியிட்டுள்ளது.
திரையரங்குகள்
தென் மாநிலங்களில் தொடர்ந்து வெற்றி நடை போடுகிறது
வேட்டையன் முதல் வாரத்தில் ₹122.15 கோடி வசூலித்தாலும், இதுவரை ₹300 கோடி மைல்கல்லை எட்டவில்லை.
இருப்பினும், தசரா வார இறுதிக்கு முன்னதாக, அக்டோபர் 10ஆம் தேதி வெளியானதிலிருந்து ரசிகர்கள் படத்தை பார்க்க வருகை தந்து கொண்டிருக்கின்றனர்.
தீபாவளி வரை புதிய படங்களின் வருகை இல்லாத காரணத்தால், இப்படத்தின் வசூல் மேலும் அதிகரிக்கக்கூடும்.
சென்னை, பெங்களூரு போன்ற நகரங்களில் படத்தின் தமிழ்ப் பதிப்பிற்கான ஆக்கிரமிப்புகள் அதிகரித்து வருவதே வேட்டையனின் வருவாய் உயர்வுக்குக் காரணம்.
சென்னையில் திரையரங்கு அக்கிரமிப்பில் 38.75 சதவீதம் பேரும், அதே சமயம் பெங்களூருவில் 20.75 சதவீதம் பேரும் இருப்பதாக கூறப்படுகிறது. அதேபோல இப்படத்தின் ஹிந்தி பதிப்பிற்கு, அதிகபட்சமாக ஜெய்ப்பூர் மற்றும் லக்னோ முழுவதும் 23.67% மற்றும் 21% திரையரங்கு ஆக்கிரமிப்புகள் பதிவாகியுள்ளன.