பழம்பெரும் பாலிவுட் நடிகரும், இயக்குனருமான மனோஜ் குமார் 87 வயதில் காலமானார்
செய்தி முன்னோட்டம்
பாலிவுட்டின் மூத்த நடிகரும், திரைப்பட இயக்குநருமான மனோஜ் குமார் தனது 87 வயதில் மும்பையில் காலமானார். செய்தி நிறுவனமான ANI வெளியிட்டுள்ள செய்தியின் படி, இன்று, வெள்ளிக்கிழமை காலை கோகிலாபென் திருபாய் அம்பானி மருத்துவமனையில் அதிகாலை 4.03 மணிக்கு அவர் காலமானார். அவரது உடல் வெள்ளிக்கிழமை பிற்பகல் முதல் அவரது ஜூஹு இல்லத்தில் வைக்கப்படும், அவரது இறுதி ஊர்வலம் சனிக்கிழமை நடைபெறும் என தெரிவிக்கப்பட்டுள்ளது. மருத்துவ அறிக்கைகளின்படி, அவருக்கு கடுமையான மாரடைப்பு ஏற்பட்டதனால் உயிர் பிரிந்துள்ளது. நடிகர் மனோஜ் கடந்த சில மாதங்களாக சிதைந்த கல்லீரல் சிரோசிஸால் பாதிக்கப்பட்டு இருந்தார் எனவும் அதனால், அவரது உடல்நிலை மோசமடைந்து வந்ததாகவும் அறிக்கைகள் உறுதிப்படுத்தின.
விவரங்கள்
பல தேசபக்தி படங்களில் நடித்து பிரபலமானவர் மனோஜ்
மனோஜ் தனது தேசபக்தி படங்களுக்காக மிகவும் பிரபலமானவர். ஷாஹீத், உப்கார் மற்றும் ரங் தே பசந்தி போன்ற படங்களில் நடித்ததற்காக பிரபலமானார். மனோஜ் தனது வாழ்க்கை முழுவதும், தேசிய பெருமை மற்றும் ஒற்றுமை உணர்வை மையமாகக் கொண்ட படங்களில் நடிப்பு மற்றும் இயக்கம் இரண்டிற்கும் பெயர் பெற்றார். இந்திய சினிமாவிற்கு அவர் செய்த பங்களிப்புகள் அவருக்கு தேசிய திரைப்பட விருது மற்றும் ஏழு பிலிம்பேர் விருதுகள் உட்பட பல மதிப்புமிக்க பாராட்டுகளைப் பெற்றுத் தந்தன. கலைகளுக்கு அவர் ஆற்றிய மகத்தான பங்களிப்பைப் பாராட்டி, இந்திய அரசு 1992 இல் அவருக்கு பத்மஸ்ரீ விருதை வழங்கியது. 2015 ஆம் ஆண்டில் இந்திய சினிமாவின் மிக உயர்ந்த அங்கீகாரமான தாதாசாகேப் பால்கே விருதையும் அவர் பெற்றுள்ளார்.