ரஜினியை சந்தித்த IPL வீரர்கள் வெங்கடேஷ் மற்றும் வருண் சக்ரவர்த்தி
சூப்பர்ஸ்டார் ரஜினிகாந்த் சமீப காலமாக கிரிக்கெட் விளையாட்டில் அதிக ஆர்வம் காட்டுகிறார் எனலாம். சென்ற வாரம் தான், KKR அணியின் ரிங்கு சிங்கை போனில் அழைத்து பாராட்டி இருந்தார் என்ற செய்தி வைரலாக பரவிய நிலையில், தற்போது, KKR அணியின் வருண் சக்ரவர்த்தி மற்றும் வெங்கடேஷ் இருவரும், ரஜினிகாந்தை நேரில் சந்தித்துள்ளனர். இந்த வீரர்கள் இருவரும் தீவிரமான ரஜினி பேன்ஸ் என்பது குறிப்பிடத்தக்கது. நேற்று சென்னையில் நடைபெற்ற IPL போட்டியில், CSK அணியை எதிர்த்து KKR விளையாடியது. அந்த போட்டியில் வென்ற பிறகு, இந்த மண்ணின் மைந்தர்களான இவ்விருவரும், ரஜினிகாந்தை சந்தித்துள்ளனர். அந்த புகைப்படம் தற்போது வைரலாகி வருகிறது.
