தமிழில் இந்த வாரம் திரையரங்குகள் மற்றும் ஓடிடிகளில் வெளியாகும் படங்கள், சீரிஸுகள்
செய்தி முன்னோட்டம்
இந்த வாரம் தமிழ் சினிமாவில், 7 திரைப்படங்கள் திரையரங்குகளில் வெளியாக உள்ளன. அந்த திரைப்படங்கள் குறித்த தொகுப்பை பார்க்கலாம்.
800- இலங்கை கிரிக்கெட் அணியின் முன்னாள் சுழற் பந்துவீச்சாளர் முத்தையா முரளிதரனின் வாழ்க்கை வரலாற்று படம். முதலில் நடிகர் விஜய் சேதுபதி முத்தையா முரளிதரனாக நடிப்பதாக இருந்தது. பின்னர் கிளம்பிய சர்ச்சையால் அவர் வெளியேறினார். மாதூர் மிட்டல் முத்தையா முரளிதரனாக நடித்துள்ளார்.
ரத்தம்- நடிகரும் இசையமைப்பாளருமான விஜய் ஆண்டனி நடிப்பில் நந்திதா ஸ்வேதா, ரம்யா நம்பீசன், மகிமா நம்பியார் உள்ளிட்டோர் நடித்துள்ள இப்படத்தை இயக்குனர் சி எஸ் அமுதன் இயக்கியுள்ளார். பெயருக்குதகுந்தார் போல் ஒரு சஸ்பென்ஸ் திரில்லராக படம் உருவாகி உள்ளது.
2nd card
இந்த வாரம் வெளியாகும் திரைப்படங்கள்-2
ஷாட் பூட் த்ரீ- நடிகர்கள் யோகி பாபு, வெங்கட் பிரபு, பூவையார் - கப்பீஸ், சினேகா உள்ளிட்டோர் நடித்துள்ள இத்திரைப்படத்தில் நாய் தான் ஹீரோ. நண்பர்களான நான்கு குழந்தைகளின் வாழ்க்கையில் இணையும் ஒரு நாய் திடீரென தொலைந்து விடுகிறது அதை கண்டுபிடிப்பது தான் மீதி கதை.
இறுகப்பற்று- ரொமான்டிக் டிராமாவாக உருவாகியுள்ள இத்திரைப்படம் உறவுகளில் உள்ள சிக்கல்களையும், அர்த்தமான வாழ்விற்கு உறவுகளிடம் உள்ள குறைபாடுகளை ஏற்றுக் கொள்வது குறித்தும் பேசுகிறது. நடிகர்கள் விக்ரம் பிரபு, விதார்த் நாயகிகளாக அபர்ணாதி, சிரத்தா ஸ்ரீநாத் நடித்துள்ளனர்.
எனக்கு எண்டே கிடையாது- விக்ரம் எம் ரமேஷ் நடித்து இயக்கியுள்ள இத்திரைப்படம் பேராசையால் சிக்கலில் சிக்கும் கார் டிரைவரின் கதை. ஸ்வயம் சித்தா, கார்த்திக் வெங்கட்ராமன் உள்ளிட்டோர் நடித்துள்ளனர்.
3rd card
இந்த வாரம் வெளியாகும் திரைப்படங்கள்- 3
தி ரோடு- எப்படி ஒரு தேசிய நெடுஞ்சாலை, படத்தில் நடித்துள்ள நடிகர்கள் வாழ்க்கையில் பெரும் குழப்பத்தை ஏற்படுத்தி அவர்கள் வாழ்க்கையை தலைகீழாக மாற்றுகிறது என்பதுதான் படத்தின் கதை. படத்தில் பத்திரிகையாளராக த்ரிஷா நடித்துள்ளார். நடிகர்கள் ஷபீர் கல்லரக்கல், சந்தோஷ் பிரதாப், எம் எஸ் பாஸ்கர், விவேக் பிரசன்னா உள்ளிட்டோரும் இத்திரைப்படத்தில் நடித்துள்ளனர்.
தில் இருந்தா போராடு- படித்த ஆனால் பொறுப்பில்லாமல் இருக்கும் இளைஞன் பொறுப்பாய் மாறுவதுதான் இத்திரைப்படத்தின் கதை. எஸ் கே முரளிதரன் இயக்கியுள்ள இத்திரைப்படத்தில் கார்த்திக் தாஸ், வனிதா விஜயகுமார், யோகி பாபு, எம் எஸ் பாஸ்கர், மறைந்த இயக்குனர் மனோ பாலா உள்ளிட்டோர் நடித்துள்ளனர்.
4rd card
இந்த வாரத்தின் ஓடிடி ரிலீஸ்
மார்வெல் சீரிஸ் லோகி சீசன் 2- மார்வெல் ஸ்டுடியோஸ்-இன், லோகி சீசன் 2 டிஸ்னி +ஹாட்ஸ்டாரில் வரும் ஆறாம் தேதி அன்று, தமிழ், ஹிந்தி, தெலுங்கு, ஆங்கிலம் ஆகிய மொழிகளில் வெளியாகிறது. மார்வெல் கதையை தழுவி எடுக்கப்பட்டுள்ள இந்த சீரியஸின் முதல் பாகம் ஏற்கனவே டிஸ்னி + ஹாட்ஸ்டாரில் வெளியிடப்பட்டுள்ளது குறிப்பிடத்தக்கது.