தளபதி 69: 3 நாயகிகள், விஜய்யின் சம்பளம் உள்ளிட்ட சுவாரசிய தகவல்கள்
தமிழ் சினிமா மட்டுமின்றி, இந்தியா முழுவதும் பல ரசிகர்களை சம்பாதித்து வைத்திருக்கும் முன்னணி நடிகர் விஜய். அவர் கடந்த பிப்ரவரி மாதம், சினிமாவை விட்டு விலகி அரசியலுக்கு முழுநேரமாக அடியெடுத்து வைக்கப்போவதாக அறிவித்திருந்தார். இதற்கிடையில், அவரது கடைசி படமாக இருக்கும் என நம்பப்படும் 'தளபதி 69' குறித்து நாம் அறிந்த சில சுவாரசிய தகவல்கள் இதோ:
படத்தின் நாயகியாக கமிட் ஆன '90களின் டாப் ஹீரோயின்
H. வினோத் இயக்கம் இந்த படத்தில் விஜய்யுடன் 20 ஆண்டுகளுக்குப் பிறகு நடிக்கிறார் சிம்ரன். '90களின் காலகட்டத்தில் சிம்ரன், விஜய்யுடன் 'துள்ளாத மனம்', 'பிரியமானவளே', 'ஒன்ஸ் மோர்', 'உதயா' போன்ற படங்களில் நடித்துள்ளார். இந்த சூப்பர் ஹிட் ஜோடிக்கு தனி ரசிகர் பட்டாளம் உண்டு. இவரைத்தவிர, 'தளபதி 69' படத்தில் சமந்தாவும் நடிக்கவிருக்கிறார். 'கத்தி', 'தெறி', 'மெர்சல்' படங்களில் விஜய்யுடன் நடித்த சமந்தா, மீண்டும் இப்படத்தில் இடம்பெற உள்ளார். இதற்கான டெஸ்ட் ஷூட்டிங் முடிந்த நிலையில், சமந்தா நடிப்பது உறுதியாகவே உள்ளது. இவர்களை தவிர மற்றொரு முக்கிய நாயகியாக மமிதா பைஜூ நடிக்கவிருக்கிறார். 'பிரேமலு' படத்தின் மூலம் தென்னிந்திய அளவில் புகழ் பெற்ற மமிதா, தமிழ் ரசிகர்களிடையே அங்கீகாரம் பெற்றவர்.
விஜய்யின் சம்பளம் இதுவரை இல்லாத அளவிற்கு அதிகம் எனத்தகவல்
'தி கோட்' படத்திற்கு நடிகர் விஜய் ரூ. 200 கோடி சம்பளமாக பெற்றார். ஆனால் தற்போது 'தளபதி 69' படத்திற்கு விஜய் 275 கோடி வரை சம்பளமாக பெற இருப்பதாக சினிமா வட்டாரங்களில் தகவல்கள் வெளியாகி உள்ளன. விஜயின் சம்பளமே 275 கோடியெனில், படத்தின் பட்ஜெட் 400 முதல் 450 கோடியாக இருக்க வாய்ப்பு உள்ளதாக சினிமா ஆர்வலர்கள் கணித்துள்ளனர். விஜயின் கடைசி படம் என்பதால், 'தளபதி 69' படத்திற்கு மிகப்பெரிய மார்கெட் இருப்பதும், ரசிகர்களின் எதிர்பார்ப்பு எகிறி இருப்பதும் நிச்சயம்
