'தளபதி 68' படத்தின் ஃபர்ஸ்ட் லுக் வெளியீடு ஒத்திவைக்கப்பட்டதா?
லியோ திரைப்படத்தின் வெற்றிக்கு பின்னர் நடிகர் விஜய், முதல் முறையாக இயக்குனர் வெங்கட் பிரபுவுடன் சயின்ஸ் பிரிக்ஸன் திரைப்படத்திற்காக இணைந்துள்ளார். தற்காலிகமாக 'தளபதி 68' என அழைக்கப்படும் அப்படத்தில் நடிகர் விஜய் இரட்டை இடத்தில் நடிக்கிறார். மேலும் படத்தில், பிரசாந்த், பிரபுதேவா, லைலா என பெரிய நட்சத்திர பட்டாளமே உள்ளது. தாய்லாந்து நாட்டில் தளபதி 68 படமாக்கப்பட்ட நிலையில், அண்மையில் ஹைதராபாதிலும் இப்படத்தின் படப்பிடிப்பு நடைபெற்றது. ஜனவரி மாதத்தில், படப்பிடிப்புக்காக படக்குழுவினர் இலங்கை செல்ல உள்ளதாகவும் கூறப்படுகிறது. இந்நிலையில், இப்படத்தின் ஃபர்ஸ்ட் லுக் புத்தாண்டுக்கு வெளியாகும் என தகவல் கசிந்தது.
விஜயகாந்துக்கு அஞ்சலி செலுத்தும் வகையில் பர்ஸ்ட் லுக் வெளியீடு ஒத்திவைப்பு
இந்நிலையில், தமிழ் சினிமாவின் முக்கிய நடிகர்களுள் ஒருவரும், தேமுதிக தலைவருமான விஜயகாந்த் 28ஆம் தேதி உடல் நலக்குறைவால் உயிரிழந்தார். இதனால், விஜயகாந்துக்கு அஞ்சலி செலுத்தும் வகையிலும், மூத்த நடிகரை இழந்த வருத்தத்தில் ரசிகர்கள் இருக்கும்போது, தயாரிப்பாளர்கள் தங்கள் படத்தை விளம்பரப்படுத்த விரும்பவில்லை என்பதாலும், படத்தின் ஃபர்ஸ்ட் லுக் வெளியீடு ஒத்திவைக்கப்படுவதாக தகவல் வெளியாகியுள்ளது. முன்னதாக, சென்னை கோயம்பேடு தேமுதிக அலுவலகத்தில் வைக்கப்பட்டிருந்த விஜயகாந்தின் உடலுக்கு, நடிகர் விஜய் நேரில் அஞ்சலி செலுத்தினார். நடிகர் விஜய் திரைப்படங்களில் நடிக்க தொடங்கிய போது, அவர் விஜயகாந்த் உடன் சேர்ந்து நடித்த, 'செந்தூரபாண்டி' திரைப்படம், விஜய் சினிமாவில் தன்னை நிலை நிறுத்திக்கொள்ள பெரும் உதவியாக அமைந்தது.
