இந்த வாரம் திரையரங்குகள் மற்றும் ஓடிடியில் வெளியாகவிருக்கும் தமிழ் படங்களின் பட்டியல்
செய்தி முன்னோட்டம்
இந்த வாரம், தமிழ் சினிமாவில் சில குறிப்பிடத்தக்க வெளியீடுகள் உள்ளது. திரையரங்குகளில் 4 படங்களும், ஓடிடியில் 4 படங்களும் வெளியாகவுள்ளது.
அவை என்னென்ன என்பதை தெரிந்துகொள்ளுங்கள்.
ஆதிபுருஷ்: ராமாயணத்தை அடிப்படையாக கொண்டு உருவாக்கப்பட்ட பான் இந்தியா திரைப்படம் தான் ஆதிபுருஷ். இதில் பிரபாஸ் ராமனாக நடிக்க, பாலிவுட் நடிகர் சைப் அலி கான் ராவணனாக நடிக்கிறார். 3D தொழில்நுட்பத்தில் உருவாகியுள்ள இந்த திரைப்படம், பல தடைகளுக்கு பிறகு, வரும் ஜூன் 16 ஆம் தேதி வெளியாகிறது.
பொம்மை: SJ சூர்யா- பிரியா பவானிசங்கர் இணைந்து நடித்துள்ள இந்த திரைப்படமும் நீண்ட நாட்களாக எடுக்கப்பட்டு வந்தது. இடையே கொரோனா லாக்கடவுனால் தேங்கி நின்ற இந்த திரைப்படம், தற்போது ஜூன் 16 ஆம் தேதி வெளியாகிறது.
card 2
இந்த வார OTT வெளியீடுகள்
இது மட்டுமின்றி, ஜார்ஜ் மரியான் மற்றும் MS பாஸ்கர் நடிப்பில் உருவாகியுள்ள 'எறும்பு' திரைப்படமும், ஊர்வசி, கலையரசன் மற்றும் குரு சோமசுந்தரம் நடிப்பில் உருவாகியுள்ள 'சார்லஸ் என்டர்ப்ரைஸ்சஸ்' திரைப்படமும், வரும் வெள்ளிக்கிழமை (ஜூன் 16 .,) திரைக்கு வரவுள்ளது.
ஓடிடி தளத்திலும் இந்த வாரம், 4 திரைப்படங்கள் வெளியாகவுள்ளது.
வரும் ஜூன் 16-ஆம் தேதி, சாந்தனு நடிப்பில் வெளியான 'இராவண கோட்டம்', அமேசான் பிரைம் ஓடிடியிலும், ஐஸ்வர்யா ராஜேஷ் நடித்த 'ஃபர்ஹானா', சோனி லிவ் ஓடிடியிலும், விஜய் ஆண்டனி நடிப்பில் வெளியான 'தமிழரசன்', ஜீ5 ஓடிடி தளத்திலும் வெளியிடப்படும்.
ஜூன் 17 ஆம் தேதி, விஜய் ஆண்டனி நடிப்பில் ஹிட் ஆன 'பிச்சைக்காரன் 2' , ஹாட்ஸ்டார் ஓடிடி தளத்தில் வெளியாகிறது.