எதிர்பாராத நேரத்தில் கங்குவா படத்தின் அப்டேட் வெளியானதால் ரசிகர்கள் கொண்டாட்டம்
சிறுத்தை சிவா இயக்கத்தில், நடிகர் சூர்யா வித்தியாசமான கதைக்களத்தில் நடித்துள்ள திரைப்படம் 'கங்குவா'. இப்படத்தின் டீசர், நாளை, மார்ச் 19ஆம் தேதி மாலை 4.30 மணிக்கு வெளியிடப்படும் என படக்குழுவினர் அறிவித்துள்ளனர். எந்தவித பில்ட்-அப்பும் இன்றி திடீரென இந்த அறிவிப்பு வெளியானதில் சூர்யாவின் ரசிகர்கள் இன்ப அதிர்ச்சி அடைந்துள்ளனர். 'கங்குவா' திரைப்படத்தில், சூர்யாவுக்கு ஜோடியாக பாலிவுட் நடிகை திஷா பதானி நடிக்கிறார். அதோடு, வில்லனாக அனிமல் படப்புகழ் இந்தி நடிகர் பாபி தியோல் நடிக்கிறார். இவருடைய ஃபர்ஸ்ட் லுக் சமீபத்தில் வெளியிடப்பட்டது. பிரமாண்ட படைப்பாக உருவாகும் இந்த படத்தினை, ஸ்டூடியோ கிரீன் நிறுவனம் சார்பில் ஞானவேல் ராஜா தயாரித்து வருகிறார். இப்படத்திற்கு தேவி ஸ்ரீ பிரசாத் இசையமைக்கிறார்.
