இந்தியன் 2 படத்தை தொடர்ந்து அடுத்த பாகம் உருவாகிறதா?
கமல்ஹாசனின் ரசிகர்களுக்கு இரட்டிப்பு சந்தோத்தை தரும் ஒரு செய்தி தற்போது இணையத்தில் வைரலாகி வருகிறது. அதன்படி, தற்போது தயாராகி வரும், இந்தியன் 2 திரைப்படத்தை தொடர்ந்து இந்தியன் 3 உருவாக உள்ளதாக செய்திகள் வெளியாகியுள்ளன. இந்த படத்தை துவங்கும் போது, இதை இரண்டு பாகமாக எடுக்கும் எண்ணம் இல்லையெனவும், 6 மணி நேர காட்சிகளை, எடிட்டிங் டேபிளில் கொண்டு வந்தபோது தான்,இயக்குனர் ஷங்கருக்கு இந்த எண்ணம் தோன்றியதாகவும் கூறப்படுகிறது. இதற்காக தயாரிப்பாளர் தரப்பும் ஓகே சொல்லிவிட்டதாகவும் தெரிகிறது. இதற்கென தனியாக ஷூட்டிங் செல்லப்போவதில்லை எனவும், இந்தியன் 2 படப்பிடிப்பின் போதே அடுத்த பாகத்தின் 80 சதவிகித காட்சிகள் படமாக்கப்பட்டதாகவும், விரைவில் மீதி காட்சிகளை ஷூட் செய்யப்போகிறார்கள் எனவும் கூறப்படுகிறது.
