பாலிவுட்டில் இயக்குனராக அறிமுகம் ஆகிறார் ஷாருக் கானின் மகன் ஆர்யன் கான்; முதல் ப்ராஜெக்ட் இதுதான்!
பாலிவுட் சூப்பர்ஸ்டார் ஷாருக்கானின் மகன் ஆர்யன்கான் இயக்குனராக அறிமுகம் ஆகவுள்ளார். இது குறித்த அறிவிப்பினை ஷாருக் நேற்று வெளியிட்டார். அதன்படி, நெட்ஃபிலிக்ஸ்-இல் வெளியாகவுள்ள ஒரு வலைத்தொடரை ஆர்யன் இயக்குகிறார். இது 2025இல் வெளியாகிறது. இந்த வெப்-தொடரை ஷாருக்-கவுரி கானின் ரெட் சில்லிஸ் நிறுவனம் நெட்ஃபிலிக்ஸ் உடன் இணைந்து தயாரிக்கிறது. இணைய தகவல்களின்படி, இது திரையுலகின் பின்னணியில் நடக்கும் நிகழ்வுகளை அடிப்படையாக கொண்டு உருவாக்கப்பட்ட கதையாகும். ஆர்யன் இயக்குனராக அறிமுகமாவதை Xஇல் ஒரு இடுகையுடன் SRK அறிவித்தார், "பார்வையாளர்களுக்கு ஒரு புதிய கதை வழங்கப்படுகிற ஒரு சிறப்பு நாள். @RedChilliesEnt மற்றும் ஆர்யன் கான் @NetflixIndia இல் தங்கள் புதிய தொடரைக் காண்பிக்கும் பயணத்தைத் தொடங்குவது இன்று இன்னும் சிறப்பு வாய்ந்தது" என்று பதிவிட்டுள்ளார்.
Twitter Post
வலைத்தொடர் பற்றி இதுவரை வெளியான தகவல்கள்
இன்னும் பெயரிடப்படாத இந்த வெப் தொடர், லட்சிய கனவுகளுடன் வெளியிலிருந்து பாலிவுட் என்ற கவர்ச்சியான மற்றும் சவாலான சாம்ராஜ்யத்தில் காலடி எடுத்து வைக்கும் நபர், எதிர்கொள்ளவேண்டிய தைரியமான மற்றும் பொழுதுபோக்கு பயணத்தை பற்றி ஒரு காணோட்டத்தை வழங்கும் என எதிர்பார்க்கப்படுகிறது. அதிக நாடகம், கூர்மையான நகைச்சுவை, நட்சத்திர கேமியோக்கள் ஆகியவற்றால் நிரம்பிய இந்த தொடர், இந்திய சினிமாவிற்கு மறக்க முடியாத அஞ்சலியை வழங்கும் என்று எதிர்பார்க்கப்படுகிறது. தற்காலிகமாக ஸ்டார்டம் என்று பெயரிடப்பட்ட இந்தத் தொடரில் மோனா சிங் ஒரு குறிப்பிடத்தக்க பாத்திரத்தில் நடிக்கிறார் என்று எதிர்பார்க்கப்படுகிறது. கூடவே இதில் ஷாருக், ரன்பீர் கபூர், ரன்வீர் சிங், கரண் ஜோஹர் மற்றும் பாபி தியோல் ஆகியோர் கேமியோ தோற்றத்தில் நடித்துள்ளனர்
