சின்ன கலைவாணர் விவேக்கின் 2ஆம் ஆண்டு நினைவு நாள்
செய்தி முன்னோட்டம்
கோலிவுட்டின் பிரபல நகைச்சுவை நடிகரான பத்மஸ்ரீ விவேக் மறைந்து இன்றுடன் இரண்டாண்டுகள் ஆகிறது.
தனது நகைச்சுவையாலும், சிந்தனை தூண்டும் கருத்துக்களிலும், 'சின்ன கலைவாணர்' என்று அழைக்கப்பட்ட விவேக்கின் மரணம், இன்று வரை பலராலும் ஏற்றுக்கொள்ள முடியாத ஒன்று. சினிமா மட்டுமன்றி, சமூகம் சார்ந்த எந்த ஒரு நல்ல விஷயத்திற்கும், முன்னோடியாக அவரே வந்து நிற்பார்.
மறைந்த ஜனாதிபதி அப்துல் கலாமின் பிரியமான நபர்களில் ஒருவரரான விவேக், கடைசி வரை அன்னாரின் கனவான '1 கோடி மரக்கன்றுகளை நடுதல்' என்ற அறப்பணியை சிரமேற்கொண்டு நடத்தி வந்தார்.
இரு சகோதரிகளுடன் பிறந்த விவேகானந்தன் என்கிற விவேக், சிறு வயது முதலே துறுதுறுவென இருந்ததாக அவரின் அக்கா ஒரு பேட்டியின் போது கூறியுள்ளார்.
card 2
கமலுடன் இந்தியன் 2 திரைப்படத்தில் இணைந்த விவேக்
விவேக் இறக்கும் வரையில் 220 திரைப்படங்கள்.
கடைசியாக அவர் நடித்தது இந்தியன் 2 திரைப்படத்தில். அவரின் நினைவாக, அவர் நடித்த காட்சிகள் படத்தில் இருந்து நீக்கபட மாட்டாது என படக்குழுவினர் சமீபத்தில் அறிவித்துள்ளனர்.
நடிகர் கமல்ஹாசனுடன் அவர் இணைந்து நடித்த முதலும், கடைசியுமான படம் அதுவே.
அதே போல, 'தி லெஜெண்ட்' திரைப்படத்திலும், அவரது காட்சிகளுக்கு லைவ் டப்பிங் மற்றும் பலக்குரல் டப்பிங் கலைஞர்களை வைத்து படத்தை நிறைவு செய்தனர்.
தற்போது வரை, அவர் நடிப்பில் வெளியாகி உள்ள கடைசி திரைப்படமும் அதுதான்.
மறைந்த விவேக்கிற்கு மரியாதை செலுத்தும் விதமாக, அவர் வாழ்ந்த தெருவிற்கு 'சின்ன கலைவாணர் விவேக் ரோடு' என உடனடியாக பெயர் மாற்றம் செய்து அறிவித்தது தமிழக அரசு.