ஜெயிலர் படத்தின் இசை வெளியீட்டு விழா குறித்த அப்டேட்
செய்தி முன்னோட்டம்
இந்தியா மட்டுமல்லாது உலகளவில் சூப்பர் ஸ்டாராக வலம் வருபவர் ரஜினிகாந்த். இவர் தற்போது நெல்சன் இயக்கத்தில் உருவாகி வரும் 'ஜெயிலர்' என்னும் திரைப்படத்தில் நடித்து முடித்துள்ளார்.
சன் பிக்சர்ஸ் தயாரிக்கும் இப்படத்திற்கு அனிருத் இசையமைத்துள்ளார்.
இப்படத்தில் ரம்யா கிருஷ்ணன், வசந்த் ரவி, யோகி பாபு, விநாயகன் உள்ளிட்டோர் முக்கிய கதாபாத்திரத்தில் நடித்துள்ளனர் என்று செய்திகள் தெரிவிக்கிறது.
இந்த படத்தின் மூலம் முதன்முறையாக ரஜினிக்கு ஜோடியாக தமன்னா நடிக்கிறார்.
மேலும் கன்னட முன்னணி நடிகர் சிவராஜ் குமார், மலையாள முன்னணி நடிகர் மோகன்லால் உள்ளிட்டோர் இதில் நடித்துள்ளதால் ரசிகர்கள் மத்தியில் இப்படத்தின் மீதான எதிர்பார்ப்பு பெருமளவில் அதிகரித்துள்ளது.
இசை
விரைவில் அதிகாரபூர்வ அறிவிப்பு வெளியாகும்
இந்நிலையில் இப்படத்தின் முதல் சிங்கிள் 'காவாலா' என்னும் பாடலின் முன்னோட்டம் ஜூலை 3ம்தேதி இணையத்தில் வெளியாகி பெரும் வரவேற்பினை பெற்றது.
இந்த பாடலின் வரிகளை இயக்குனர் அருண் ராஜா காமராஜ் எழுதியுள்ளார்.
இப்பாடல் விரைவில் அனிருத்'தின் சூப்பரான இசையமைப்பில் முழுவதுமாக தயாரித்து முடிக்கப்படும் என்று தகவல்கள் தெரிவிக்கிறது.
இதனிடையே, இப்படத்தின் இசை வெளியீடு குறித்த தகவல் ஒன்று வெளியாகி ரசிகர்களை பெரும் மகிழ்ச்சியில் ஆழ்த்தியுள்ளது.
அது என்னவென்றால் 'ஜெயிலர்' படத்தின் இசை வெளியீட்டு விழா சென்னையில் வரும் ஜூலை 29ம் தேதி பிரம்மாண்டமாக நடக்கவுள்ளது என்று கூறப்படுகிறது.
விரைவில் இது குறித்த அதிகாரபூர்வ அறிவிப்பு வெளியாகும் என்று எதிர்பார்க்கப்படுகிறது.