லியோ படத்தின் வெற்றி விழாவிற்கு நிபந்தனைகளுடன் காவல்துறை அனுமதி
செய்தி முன்னோட்டம்
நவம்பர் 1 ஆம் தேதி நேரு உள்விளையாட்டு அரங்கில் நடைபெறும் லியோ திரைப்படத்தின் வெற்றி விழாவிற்கு, தமிழ்நாடு காவல்துறை நிபந்தனைகளுடன் அனுமதி வழங்கியுள்ளது.
முன்னதாக கடந்த 2 நாட்களுக்கு முன் லியோ திரைப்படத்தின் வெற்றி விழாவிற்கு அனுமதி வழங்க தயாரிப்பு நிறுவனமான செவன் ஸ்கிரீன் ஸ்டுடியோ, காவல்துறையிடம் கேட்டிருந்தது.
நேற்று காவல்துறை, நிகழ்ச்சியில் பங்கேற்கும் முக்கிய பிரமுகர்கள், நிகழ்ச்சியில் பங்கேற்கும் ரசிகர்களின் எண்ணிக்கை உள்ளிட்டவற்றை தயாரிப்பு நிறுவனத்திடம் கேட்டிருந்த நிலையில், தற்போது வெற்றி விழாவிற்கு அனுமதி வழங்கி உள்ளது.
கடந்த அக்டோபர் 30ம் தேதி நடைபெற இருந்த படத்தின் இசை வெளியீட்டு விழா, நிகழ்ச்சிக்கு பாஸ் கேட்டு வந்து அதிகப்படியான கோரிக்கைகளாலும், பாதுகாப்பு காரணங்களுக்காகவும் ரத்து செய்யப்பட்டது குறிப்பிடத்தக்கது.
2nd card
காவல்துறை விதித்துள்ள நிபந்தனைகள்
லியோ வெற்றி விழாவிற்கு காவல்துறையினர் சார்பில் பல்வேறு நிபந்தனைகள் விதிக்கப்பட்டுள்ளன. வெற்றி விழாவை குறிப்பிட்ட நேரத்திற்குள் முடிக்க வேண்டும்.
நேரு உள்விளையாட்டு அரங்கில் இருக்கைகளுக்கு ஏற்றவாறு மட்டுமே ரசிகர்களை அனுமதிக்க வேண்டும், அனுமதிக்கப்பட்ட எண்ணிக்கையிலான டிக்கெட்டுகளை மட்டுமே விற்பனை செய்ய வேண்டும்.
போக்குவரத்து நெரிசல் ஏற்படும் என்பதால் பேருந்தில் வர ரசிகர்களுக்கு தடை மற்றும் 200-300 கார்கள் வரை மட்டுமே அனுமதி அளிக்கப்பட்டுள்ளது குறிப்பிடத்தக்கது.
நடிகர் விஜய் அரசியலில் களமிறங்க ஆயத்தமாவதாக சொல்லப்படும் நிலையில், நான்கு மாதங்களுக்கு பின் விஜய் பொது மேடையில் பேசுவது ரசிகர்கள் மத்தியில் எதிர்பார்ப்பை ஏற்படுத்தி உள்ளது.