'எங்கள் காவிரி எங்கள் உரிமை' - குரல் கொடுக்கும் கன்னட நடிகர்கள்
செய்தி முன்னோட்டம்
காவிரி நதி நீரை தமிழகத்திற்கு திறந்து விட கர்நாடகா அரசு தொடர்ந்து மறுப்பு தெரிவித்து வந்த நிலையில், காவிரி விவகாரம் குறித்த வழக்கின் தீர்ப்பினை உச்சநீதிமன்றம் இன்று(செப்.,21)அறிவித்துள்ளது.
அதன்படி அடுத்த 15 நாட்களுக்கு தமிழகத்திற்கு தண்ணீர் திறந்து விட வேண்டும் என்று கூறப்பட்டுள்ளது.
இந்நிலையில், இந்த காவிரி நதிநீர் விவகாரத்தில், கன்னட சினிமா துறையின் முன்னணி நடிகர்களான கிச்சா சுதீப் மற்றும் தர்ஷன் தொகுதீபா உள்ளிட்ட இருவரும் கர்நாடகாவிற்கு ஆதரவாக குரல் கொடுத்துள்ளனர்.
இதுகுறித்து, கிச்சா சுதீப் தனது எக்ஸ் ட்விட்டர் பக்கத்தில், "எங்களது காவிரி எங்களது உரிமை. பல கருத்துக்கள் ஒருமித்த விஷயங்களில் வெற்றியடைந்த அரசு, காவிரி விவகாரத்திலும் மக்களை கைவிடாமல் செயல்படும் என்று நம்புகிறேன்" என்று பதிவு செய்துள்ளார்.
நடிகர்கள்
அனைத்து விஷயங்களும் பரிசீலனை செய்யப்பட்டு விரைவில் நீதி கிடைக்கப்பெற வேண்டும் - தர்ஷன் தொகுதீபா
தொடர்ந்து அவர், "இதுகுறித்து நிபுணர்கள் உடனே செயல்திட்டத்தினை உருவாக்கி நீதி வழங்க நான் வலியுறுத்துகிறேன். நிலம், நீர், மொழி உள்ளிட்ட போராட்டங்களுக்கு நானும் குரல் கொடுப்பேன்" என்றும் அறிவித்துள்ளார்.
அவரைத்தொடர்ந்து தர்ஷன் தொகுதீபா, கர்நாடகா பங்கில் உள்ள காவிரி நீதிநீரினை தமிழகம் கூடுதலாக பெற முயற்சித்து வருகிறது" என்று கூறியுள்ளார்.
மேலும் அவர் "ஆனால் இந்தாண்டு குறைந்த மழை காரணமாக தண்ணீர் பற்றாக்குறை கர்நாடகாவிற்கு ஏற்பட்டுள்ளது. இதன் காரணமாக நீர்ப்பாசன பகுதிகளில் கடும் சேதம் ஏற்பட்டுள்ளது. எனவே, இந்த விஷயங்கள் அனைத்தையும் பரிசீலனை செய்து நீதி கிடைக்க நடவடிக்கை எடுக்க வேண்டும்" என்று வலியுறுத்தியுள்ளார் என்பது குறிப்பிடத்தக்கது.