பகவத் கீதையும், ஒபென்ஹெய்மரும்: 'அணுகுண்டின் தந்தை' என அழைக்கப்படும் இவரை பற்றி சில தகவல்கள்
செய்தி முன்னோட்டம்
ஹாலிவுட் இயக்குநர் கிறிஸ்டோபர் நோலன் இயக்கத்தில் உருவாகி உள்ள 'ஓபன்ஹெய்மர்' படம் இன்று ஜூலை 21ம் தேதி உலகம் முழுவதும் வெளியாகிறது.
இப்படம், மறைந்த விஞ்ஞானி, அணுகுண்டின் தந்தை என அழைக்கப்படும் ராபர்ட் ஓபன்ஹெய்மரின் வாழ்க்கையில் நடந்த முக்கிய பகுதிகளை பற்றி பேசுகிறது.
இத்தருணத்தில், ஒபென்ஹெய்மர் பற்றி சில சுவாரசிய தகவல்கள் அடங்கிய ஒரு தொகுப்பு இதோ:
ஓபன்ஹெய்மர் இரண்டாம் உலகப் போரின் போது, லாஸ் அலமோஸ் ஆய்வகத்தின் இயக்குநராக பணியாற்றினார், மேலும் உலகின் முதல் அணு ஆயுதங்களை உருவாக்கிய ஆராய்ச்சி மற்றும் மேம்பாட்டு நிறுவனமான, 'மன்ஹாட்டன்' திட்டத்தில் அவரது அளப்பரிய பங்கு உள்ளது. அதற்காகவே அவரை "அணுகுண்டின் தந்தை" என்று குறிப்பிடுகின்றனர்.
card 2
பகவத் கீதையும், ஒபென்ஹெய்மரும்!
ஒபென்ஹெய்மர், ஹார்வர்டு பல்கலைக்கழகத்தில், வேதியியலில் இளங்கலைப் பட்டம் பெற்றார். தொடர்ந்து, கோட்டிங்கன் பல்கலைக்கழகத்தில் இயற்பியல் படித்தார். அங்கு அவர் 1927 இல் முனைவர் பட்டம் பெற்றார்.
பின்னர் பல்கலைகழகங்களில் துறைசார்ந்த பேராசிரியராக பணிபுரிந்தவரை, இரண்டாம் உலகப் போரின் போது, மேன்ஹாட்டன் திட்டத்தில் சேர்க்கப்பட்டார்.
பின்னர், லாஸ் அலமோஸ் ஆய்வகத்தின் இயக்குநராக, ஆயுதங்களை உருவாக்கும் பணியில் ஈடுபட்டார். அங்குதான் சரித்திர நிகழ்வான டிரினிட்டி சோதனை நடைபெற்றது- முதல் அணுகுண்டு சோதனை.
அந்த குண்டு வெடிப்பிற்கு பின்னர், அவர் பகவத்கீதையின் ஸ்லோகம் ஒன்றை மேற்கோள் காட்டியதாக வரலாற்று ஆசிரியர்கள் கூறுகின்றனர்.
பல நேரங்களில் இந்துமத கொள்கைகளை பற்றியும், பகவத்கீதையின் ஸ்லோகங்களை பற்றியும் தனது சகோதரர் பிராங்கிற்கு எழுதிய கடிதத்தில் கண்டுபிடிக்கப்பட்டுள்ளது.