IMDb டாப் 10 இந்திய நடிகர்கள் பட்டியலில் இடம்பெற்ற நயன்தாரா, விஜய் சேதுபதி
செய்தி முன்னோட்டம்
IMDb என்பது உலகெங்கும் உள்ள திரைப்படங்கள், தொலைக்காட்சி தொடர்கள், பாட்காஸ்ட்கள், வீடியோக்கள், வீடியோ கேம்கள் மற்றும் ஆன்லைன் ஸ்ட்ரீமிங் உள்ளடக்கம் தொடர்பான தகவல்களின் ஆன்லைன் தரவுத்தளமாகும்.
இந்த தளத்தில், நடிகர்கள், தயாரிப்புக் குழுவினர் மற்றும் தனிப்பட்ட வாழ்க்கை வரலாறுகள், கதை சுருக்கங்கள், ட்ரிவியா, மதிப்பீடுகள் மற்றும் ரசிகர் மற்றும் விமர்சன மதிப்புரைகள் உள்ளிட்டவை பதிவிடப்பட்டிருக்கும்.
இந்த நிலையில், IMDb இந்தியாவின் டாப் 10 பிரபல திரைநட்சத்திரங்களின் பட்டியலை வெளியிட்டுள்ளது.
உலகெங்கும் நடத்தப்பட்ட கருத்துக்கணிப்பின்படி அந்த முடிவுகள் வெளியிடப்பட்டதாக கூறப்படுகிறது.
அந்த முடிவுகளின்படி, ஜவான் மற்றும் பதான் படத்தில் நடித்த ஷாருக்கான் முதலிடத்தை பிடித்துள்ளார்.
அவருடன் ஜவான் படத்தில் நடித்திருந்த நயன்தாராவும், விஜய் சேதுபதியும் இந்த பட்டியலில் இடம்பிடித்துள்ளனர்.
card 2
2ஆம் இடத்தில் தீபிகா படுகோன்
இந்த தரவு வரிசையில், நயன்தாராவிற்கு ஐந்தாவது இடம். தென்னிந்தியாவில் கோலோச்சிய நயன்தாரா, தற்போது தான் பாலிவுட்டில் காலடி எடுத்து வைத்துள்ளார்.
மெகா ஹிட் அடித்த அந்த திரைப்படம் மூலம் தற்போது அவர் டாப் 10 பட்டியலில் இடம் பிடித்துவிட்டார்.
நயன்தாராவிற்கு அடுத்த இடத்தில் தமன்னா உள்ளார்.
இந்தாண்டில் வெளியான ஜெயிலர் பட 'காவாலையா' பாடல் மற்றும் அமேசானில் வெளியான இரண்டு சீரிஸ்களின் மூலம் அவரும் டாப் லிஸ்டில் இடம்பிடித்துவிட்டார்.
இவர்களுடன், பொன்னியின் செல்வன் படத்தில் நடித்த ஷோபிதா தூளிப்பாளா, அலியா பட், கரீனா கபூர் என பாலிவுட் நடிகைகள் சிலரும் பட்டியலில் உள்ளனர்.
பட்டியலில் இரண்டாமிடத்தில் தீபிகா படுகோன் உள்ளார்.
இந்த வரிசையில் 10 வது இடத்தில் விஜய் சேதுபதி உள்ளார்.