மலையாள நடிகை ரெஞ்சுஷா மேனன் திருவனந்தபுரம் வீட்டில் சடலமாக மீட்பு
செய்தி முன்னோட்டம்
மலையாள நடிகை ரெஞ்சுஷா மேனன், திங்கள்கிழமை (அக்டோபர் 30) திருவனந்தபுரத்தில் உள்ள தனது குடியிருப்பில் சடலமாக மீட்கப்பட்டார். அவருக்கு வயது 35. இது தற்கொலையாக இருக்கலாம் என்று கருதப்பட்டாலும், தற்போது நடிகரின் மரணம் குறித்து அதிகாரிகள் விசாரணை நடத்தி வருவதாக தகவல்கள் தெரிவிக்கின்றன. ரெஞ்சுஷாவின் கணவர் மனோஜ் ஸ்ரீலகம் கூட மலையாள திரைப்படவுலகில் ஒரு நடிகர் என்பது குறிப்பிடத்தக்கது. தனது மனைவி ரெஞ்சுஷாவின் தற்கொலை குறித்து, மனோஜ் போலீசில் அளித்த வாக்குமூலத்தின் படி, காலையில் மனோஜ் படப்பிடிப்பிற்கு சென்றுவிட்டதாகவும், அங்கிருந்து, தனது மனைவியை தொலைபேசியில் அழைக்க முயற்சித்தும் பதிலளிக்காததால், வீட்டிற்கு விரைந்ததாகவும் அவர் கூறினார். வீட்டிற்கு வந்து பார்த்தபோது, தன்னுடைய மனைவி, ஃபேனில் தூக்கு மாட்டி தற்கொலை செய்துள்ளார் என்பதை அறிந்ததாகவும் கூறியுள்ளார்.
card 2
ரெஞ்சுஷா மேனனின் திரை பயணம்
கொச்சியைச் சேர்ந்த ரெஞ்சுஷா மேனன், நடிகராக காலடி எடுத்து வைக்கும் முன், பிரபல ரியாலிட்டி ஷோவான நட்சத்திரதீபங்கள் நிகழ்ச்சியில் தொலைக்காட்சி தொகுப்பாளராக தனது வாழ்க்கையைத் தொடங்கினார் . அதன் பின்னர், அவர் பல தொலைக்காட்சி தொடர்களில் நடிக்க தொடங்கினார். தொடர்ந்து, மலையாள படங்களிலும் சிலவற்றில் நடித்துள்ளார். காரியஸ்தன் , சிட்டி ஆஃப் காட் , மேரிக்குண்டொரு குஞ்சாடு , நிழலாட்டம் , தலைப்பாவ் , லிசம்மையுடே வீடு , மற்றும் வாத்தியார் போன்ற திரைப்படங்களில் அவர் நடித்துள்ளார்.