தலைவர் 171: லோகேஷ் கனகராஜ் இயக்கத்தில் ரஜினிகாந்த்
ரஜினிகாந்தின் 171-வது படம் குறித்த அறிவிப்பை வெளியிட்டுள்ளது சன் பிக்சர்ஸ் நிறுவனம். சூப்பர்ஸ்டார் ரஜினிகாந்த், நடிப்பில் சமீபத்தில் வெளியான 'ஜெயிலர்' திரைப்படம் பிரமாண்ட வெற்றியடைந்து. இதனைத்தொடர்ந்து, ரஜினிகாந்த், 'லால் சலாம்' என்ற படத்தில் கௌரவ வேடத்திலும், லைகா நிறுவன தயாரிப்பில், 'தலைவர்-170' என்ற படத்திலும் நடித்து வருகிறார். இந்த நிலையில், அவரின் அடுத்தப்படம், லோகேஷ் கனகராஜ் இயக்கத்தில் இருக்கும் என பேச்சுக்கள் எழுந்த நிலையில், தற்போது அறிவிப்பு வெளியாகியுள்ளது. லோகேஷ் கனகராஜ் தற்போது 'லியோ' படத்தின் இறுதிகட்ட பணிகளில் பிசியாக இருக்கிறார். இது முடிந்ததும் கைதி-2 திரைப்படத்தை இயக்குவார் என எதிர்பார்த்த நிலையில், தற்போது தலைவர்-171 படத்தை இயக்கவுள்ளார் என அறிவிப்பு வெளியாகியுள்ளது, ரஜினி ரசிகர்களை மட்டுமின்றி, லோகேஷ் ரசிகர்களையும் மகிழ்ச்சியில் ஆழ்த்தியுள்ளது.