ஆஸ்கார் விருதுகள் 2023: இந்தியாவில் இந்த விழாவை எப்போது, எங்கு பார்க்கலாம்?
உலகெங்கிலும் உள்ள சினிமா பிரபலங்களும், சினிமா ரசிகர்களும் ஒருசேர ஆவலுடன், இந்த மதிப்புமிக்க விருது வழங்கும் விழாவிற்கு தயாராகி வருகின்றனர். ஆம், 95வது அகாடமி விருதுகள் இன்று நடைபெற உள்ளது. இந்தியாவிலிருந்து இம்முறை மூன்று திரைப்படங்கள் ஆஸ்கார் விருதிற்கு தேர்வாகி இருப்பது, கூடுதல் மகிழ்ச்சி. "எவெரிதிங், எவெரிவேர் ஆல் அட் ஒன்ஸ்" என்ற திரைப்படம் தான் கிட்டத்தட்ட 11 பிரிவுகளில் போட்டியிடுகிறது. RRRன் திரைப்படத்தின் 'நாட்டு நாட்டு' பாடல் ஏற்கனவே பல அரங்குகளில் விருதுகளை குவித்துள்ள நிலையில், தற்போது அந்த பாடல் விருதை தட்டி தூக்குமா என்பதை விரைவில் தெரிந்து விடும். இப்படி எதிர்பார்ப்பை கிளப்பி இருக்கும் இந்த விருது விழாவை எங்கே எப்போது பார்க்கலாம் என்பது குறித்த விவரங்கள் இதோ:
ஆஸ்கார் லைவ்
நேரலை விழாவின் ஸ்ட்ரீமிங் விவரங்கள்
ஆஸ்கார் விருதுகள், லாஸ் ஏஞ்சல்ஸில் உள்ள டால்பி திரையரங்கில் நடைபெறும். இந்த விழா அமெரிக்காவில் மார்ச் 12 இரவு நடைபெறுவதால், இந்திய நேரப்படி, (மார்ச் 13) இன்று காலை 5:30 மணிக்கு நேரலையில் பார்க்கலாம். இந்த விழாவை, டிஸ்னி ஹாட்ஸ்டாரில் நேரடியாக காணலாம். அதோடு, HULU டிவி, யூடியூப் டிவி, Fubo டிவி மற்றும் AT&T டிவியிலும் ஒளிபரப்பப்படும். இதுமட்டுமின்றி, இந்த ஆண்டு முதல், பார்வையற்றவர்களுக்கு, கண் பார்வை குறைபாடு உள்ளவர்களுக்கெனவும் பிரத்தியேகமாக வசதி செய்யப்பட்டுள்ளதாக 'அகாடமி' அறிவித்துள்ளது. இந்த விருது வழங்கும் விழாவில், மூன்று படங்கள் தேர்வாகி உள்ளது மட்டுமன்றி, மேலும் சில பெருமை பட கூடிய தருணங்கள் உள்ளது. பிரபல நடிகையான தீபிகா படுகோன், நிகழ்ச்சி தொகுப்பாளராக தேர்வாகி உள்ளார்.
