முடி முதல் சருமம் வரை அற்புத நன்மைகளை அள்ளி தரும், ஆமணக்கு எண்ணெய்
ஆமணக்கு விதையிலிருந்து தயாரிக்கப்படும், இந்த ஆமணக்கு எண்ணெய்/ விளக்கெண்ணெய், சிறந்த மலமிளக்கியாக செயல்படுகிறது. ஆமணக்கு எண்ணெய் உடலுக்கு அள்ளி தரும் மற்ற நன்மை பற்றி காண்போம். சரும பொலிவிற்கு: ரிசினோலிக் அமிலம் நிறைந்த ஆமணக்கு எண்ணெய், சருமத்தில் ஏற்படும் நீர் இழப்பை ஈடு செய்து, சருமம் மிருதுவாக மாற உதவுகிறது. காயங்களை ஆற்றம் அருமருந்து: இதில்,பாக்டீரியா மற்றும் நுண்ணுயிர் எதிர்ப்பு பண்புகள் நிரம்பியுள்ளன. அது தீக்காயங்கள், சிரங்கு, புண்கள் மற்றும் அறுவை சிகிச்சை காயங்களுக்கு சிகிச்சையளிக்க உதவும். இயற்கையான கூந்தல் கண்டிஷனர்: ஆமணக்கு எண்ணெய், உங்கள் தலையை வறட்சியிலிருந்து காக்கிறது. இதில் உள்ள ஓலிக் மற்றும் லினோலிக் அமிலங்கள் இரத்த ஓட்டத்தை அதிகரித்து, பொடுகு மற்றும் உச்சந்தலையில் ஏற்படும் தொற்றுக்கு சிகிச்சையளிக்க உதவுகின்றன.
செரிமானத்திற்கு உதவும் விளக்கெண்ணெய்
செரிமானத்திற்கு உகந்தது: ஆமணக்கு எண்ணெய், அமெரிக்க உணவு மற்றும் மருந்து நிர்வாகத்தால் (FDA) ஒரு சிறந்த இயற்கை மலமிளக்கியாக அங்கீகரிக்கப்பட்டுள்ளது. இந்த எண்ணெயில் உள்ள ரிசினோலிக் அமிலம் மற்றும் ஒமேகா -9 கொழுப்பு அமிலத்தின் அதிக உள்ளடக்கம், மலமிளக்கி பண்புகளை அளிக்கிறது. இது செரிமான செயல்பாடுகளை மேம்படுத்த உதவுகிறது. நோய் எதிர்ப்பு சக்தி அதிகரிக்க: ஆமணக்கு எண்ணெய் உட்கொள்வதால், உங்கள் வெள்ளை இரத்த அணுக்கள் அதிகரிக்கிறது. ஆராய்ச்சியின் படி, இந்த எண்ணெய், T-11 செல்களின் எண்ணிக்கையையும், இரத்தத்தில் லிம்போசைட்டுகளின் உற்பத்தியையும் அதிகரிக்கிறது. அதனால் உடலில், அதிக நோய் எதிர்ப்பு சக்தி உருவாகிறது. இது, பாக்டீரியா, வைரஸ்கள் மற்றும் புற்றுநோய் செல்களை அழிக்க உதவுகிறது. மேலும், இரத்த ஓட்டத்தை அதிகரித்து, நிணநீர் வெளியேற்றத்தை மேம்படுத்துகிறது.
