ஷாருக்கானின் ஜவானைக் கொண்டாடும் கூகுள்
அட்லீயின் ஜவான் படத்தில் ஷாருக்கான், நயன்தாரா, விஜய் சேதுபதி ஆகியோர் நடித்துள்ளனர். இப்படம் ரசிகர்கள் மட்டுமின்றி விமர்சகர்கள் மற்றும் பிரபலங்கள் மத்தியிலும் பெரும் வரவேற்பை பெற்று வருகிறது. ஜவான் வெளியான ஒரு நாள் கழித்து , ஷாருக்கானின் இந்த ஆண்டின் இரண்டாவது ரிலீஸை கொண்டாட கூகுள் இந்தியா முடிவெடுத்துள்ளது. ஒரு ஜவான் காட்சியில் இடம்பெற்ற ஒரு பாடலின் வரியை எடுத்துக்கொண்டு, கூகிள் டூடில் வடிவமைக்கப்பட்டுள்ளது.
கூகுள், ஜவான் திரைப்படத்தை எப்படி கொண்டாடுகிறது?
கூகுள் ஜவான் திரைப்படத்தை எப்படி கொண்டாடுகிறது என்பதை அறிய, இந்த வழிமுறைகளை பின்பற்றவும். ஸ்டெப் 1: ஜவான் அல்லது SRK (ஷாருக்கான்) என்று கூகிள்லில் தேடுங்கள். ஸ்டெப் 2: தேடுபொறியில் தேடியவுடன் ஒரு வாக்கி -டாக்கி படம் தோன்றும். வாக்கி-டாக்கியில் கிளிக் செய்யவும் (சவுண்ட் ஆன்). ஸ்டெப் 3: தொடர்ந்து அந்த வாக்கி-டாக்கி படத்தை தட்டிக் கொண்டே இருந்தால், ஆச்சரியம் வெளி வரும். ஸ்டெப் 4: 'ரெடி' என ஷாருக்கான் குரலில், உங்கள் திரை மாறும். உங்களுக்கு தோன்றும் திரையை இப்போது படம் எடுத்து, கூகுளை டேக் செய்து பதிவிடுங்கள்.
